Jeremia 32:2 - mzwDBL

² Dɛ Babelɔn kooro laa tena baa bar Jerusalam cheme ɡɛ saŋ, dɛ laɡ mɛ do dea, n do Juda tena koodem dembaah, bela nɛra baa dɛ daah kooro aa lole.

Jeremia 32:2 Referans Kwoze

Jeremia 37:21

Anomanta, Kooro Sedekia ɡelɔ ba do mɛ dea o dembaah bela. N lɔ bela, asɛ tɔpere bɛlbwa nɛra baa dɛ wɔɔ paanoo ɛɛ tɛ mɛ paanoo beŋkpoŋ, ka tel kɛŋɔ paanoo aa baa tonɛ bwɛjen la bwa ta.

Nehemia 3:25

Asɛ Usai bibaa Palal kwaa ma choŋi le danjwɛɛ la loŋkora bela dɛ kaa dejaŋ waa lɔ koodem la nyundua. O bɛne dembaah bela nɛra aa dɛ daah la. Asɛ Parɔs bibaa Pɛdaya ɡe kwaa ma choŋi.

Jeremia 38:6

Anomanta, ba lawɛ men Jeremia dɛ kpɔ mɛ ta kooro bibaa Malkija kɔlɔŋ bini. Dɛ o lɔ kooro dembaah bela nɛra la aa dɛ daah la. Ŋwɛɛraa ba kpɔ vɔɡ mɛ dɛ kpɔ mɛ tu kɔlɔŋ la bini. Dɛ nee toole o bini, kpechɛɡre ɡboo, asɛ n ka jo a ta.

Jeremia 33:1

Baa lawɛ men Jeremia do dea n ta do dembaah bela baa dɛ daah la, Korowii berɔ bol waa n be nɛɛtena ja ŋɔ,

Jeremia 32:8

Belaa Hanamɛl ba n be dembaah bela, dɛ ba ŋɔ n be ŋɔ ń yawɛ harɛ la ɡɛ Korowii aa bola la. Anee ɡela n jemɛ kɛŋɔ Korowiirii bol waa n be kpela.

Matiu 5:12

Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.

Jeremia 36:5

Asɛ n ŋɔ Baruk be ŋɔ, “Ba ta men ŋwɛnɛ tɛɛ n won jo Korowii Dea,

Jeremia 32:3

Juda Kooro Sedekia laɡ mɛ do dea kɛŋɔ maa ŋɔa ŋɔ Korowii ŋɔ, “N dɛ ba ɡela Babelɔn kooro ba yo bwɛjen nɔ tena, dɛ́ laɡ ba.

Yela 88:8

He ɡelɔ n chamene tena chwa mɛ, baa n siwi ɡba nyin dɛ́ na. N do kɛ maa le bel ta, maa wola won chwa.

Jeremia 34:1

Korowii bol waa men Jeremia be, ɡɛ saŋ Babelɔn Kooro Nebukadnesa ne o laa tena, ne harɛre nɛra, dɛ wobol bwa soo siwi nɛra baa lɔ o lɔɡa, aa pɛa dɛɛ yo Jerusalam ne bwɛɛre aa baro cheme.

Jeremia 37:4

Dɛ ba ta men Jeremia lawɛ do dea mɔɔ, asɛ n do nɛra la baah dɛɛ valɛ.

Jeremia 38:13

asɛ ba tɛr mɛ le kɔlɔŋ la bini ŋwɛɛra la ne. Asɛ n den ka do dembaah bela nɛra la aa dɛ daah la.

2 Koranar 25:1

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam, dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Jeremia 37:15

Ba baah di n nɛɛ kɛrɛdɛ dɛ ŋɔ bá lɔɔ mɛ, dɛ kpɔ mɛ ka do koodem karake Jonatan dea. Dɛ ba beɡre o dea la dɛ lawɛ nɛra dɛɛ do o bini.