Jeremia 32:10 - mzwDBL

¹⁰ N sɛoh dɛ chwerɛ tɔn la, dɛ kpɔ nɔn ɛɡɛ o ta, o che tɛ n ne o fɔo la, asɛ nomɛl di danseɛ asɛ n maɡɛ suuɡapoŋa aa chɛa kɛŋɔ n kpɔ bɔ kem la.

Jeremia 32:10 Referans Kwoze

Jeremia 32:44

Nɛra ɛɛ yawaa, ásɛ ba ɛ a tɔne dɛ́ ɛɡre nɔɔra dɛ́ lɛa do, ásɛ nɛra di a danseɛ. A ɡɛ waa nɔ, Bɛnjamen dea harɛ ne bwɛɛre aa bar Jerusalam ne Juda harɛ ta dɛ deŋɡarere harɛ bwɛɛre, ne Juda bwejena lɔɡre bwɛɛre bwa, dɛ́ kpoŋe kaa Nɛɡɛv waa ɛ pua hɛŋle ɡbo harɛ taa aa ba chiɡa. Mɛɛ laɡ baa ba ba harɛ ta. Men Korowiirii bola.’ ”

Jeremia 32:12

dɛ kpɔa tɛ Nɛrea bibaa Baruk, o nabaa sɔne Maseeya. Hanamɛl ne danseɛ tena baa jaa dɛ ɛɡre ba nɔɔra la, dɛ Juda tena baa soɡe dembaah bela la bwa la siwi ta.

Jeremia 32:25

A lole kɛŋɔ a ka tama Babelɔn tena ba yo dɛ lawɛ yaa kaa. Kɛ ane a bwa, Nemenɛ Korowii, henee do mɛ ŋɔ ń yawɛ harɛ la nɛra baa di danseɛ la siwi ta.”

Aesaya 44:5

Bɛl ɛɛ bao dɛ ŋɔ, ‘Korowiirii mɛɛ tomɛ,’ ásɛ bɛl ɡe kpɔ Jekɔb sɔn dawɛ o nɛ, bɛl ɡe chwerɛ o nɔn ta kɛŋɔ ‘Korowii nɛnee men,’ ásɛ dɛ kpɔ Israel sɔn pa o te.”

Job Tɔn 14:17

Hɛɛ kpɔɔ kɛ mɛ haa wola an lii kpa, dɛ́ fee wechɔɡa bɛlbwa maa ɛa.

Mmarare 32:34

Korowii dɛ lii anɔ la bwa dɔma la aa ɛa, dɛɛ kpa saŋ waa wera ta, dɛ́ kpɔ tɛr ba deŋne.

Wepila 9:4

dɛ ŋɔ a be ŋɔ a bɛ harɛ nɔ ta kpɔɡa kɛɛ papooni kɛɛ daa bɛlbwa chɔɡ, kɛ á dorome nɛra baa wola Korowii nso la dɔe ba tili ta la.

Wepila 7:2

Asɛ n berɛ na nyundua torome bɛl o le wee leebɔr dɛɛ ba, dɛ kpoŋe kon Korowii waa lole saŋ bɛlbwa aa kpɔa dɛɛ do o kwaa nso la. O kpɔ takpeɡ ŋɔ nyundua toroma banaarɛ la baa tɛɛ ba kpeɡri kɛŋɔ bá chɔɡ harɛ ne mpo la be ŋɔ,

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Ɛfesos 1:13

Baa baɡle heyaa kasinteŋ dɛ le Amanesoma la aa dɛ lɛ heyaa la ta la, he ɡba sɛoh dɛ ja beŋkpoŋri ya ne Yeesu Kristo aa ɛa la ta. Haa yarada Korowii dɛ kpɔ he te tɛo la, o kpɔ o Domadɛɛɡe tɛ heyaa ɡɛ waa baɡɛ heyaa nyoa la. O Domadɛɛɡe la lɔ ya nɛɛ dɛ ɛ nso kɛŋɔ ya ɛ Korowii nɛra.

2 Kɔrent 1:22

dɛ do yaa nso aa baɡle kɛ onee dɔ yaa, dɛ tɛ yaa o Domadɛɛɡe la wɛɛ so ya nɛ, ásɛ ya che a ta dɛ́ jemɛ waa bwa waa ɛa cheɡ yaa.

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

Amanesoma Jɔn Aa Chwera Tɔn 3:33

Nomɛlbwa sɛh Korowii wa aa, o ɡbaɡba wono dɛɛ jemɛ kɛ Korowii waa dɔ kasinteŋ.

Daneɛl 8:26

Chɔɔ ne jɔmɔre sarahare wepila baa baɡle a mun tɛɛ la ɛɛ ɛ kpelaa. Anomanta, marɛ wepila la nyoa, dɛkalkɛŋɔ aa la sie tama mɔɔ á chiɡ.”

Aesaya 30:8

Korowii ŋɔ men Aesaya be ŋɔ, “Namete kaa, dɛ́ ka chwerɛ n nɛra waa maa bol he be nɔ dawɛ bwepɛla ta tɛɛ ba, chwera do tɔn ta, ásɛ a chɔ le kerekere dɛ́ ɛ danseɛ saŋ te bɛlbwa dɛɛ la.

Yelsom 8:6

Gel n ɡbo waa do he bambile ta saŋ bɛlbwa kɛŋɔ haa kpɔ baŋe do he nɔn ta, dɛkalkɛ ɡɛ seo aa wola jaɡa dɔe la, ɡɛɛ n ne he dɔŋa nyina do. Baa ne haah meera kpeɡri kɛŋɔ seo, a won nii lawa kɛŋɔ nijena ken.

Josua 18:9

Asɛ nɛra la kaa, dɛ ka ɡaaɡe harɛ la bwa ta, dɛ chwerɛ wobɛlbwa ɡɛ báa bɔne bwɛɛ bɛlbwa waa lɔ o ta bele anuanɛ, dɛ berɛ ba Josua be Silo bela baa baŋre ba tɛnte deene la.

Matiu 27:66

Anee ba ka ɛ ɡɛ baa ɛ bwa nɛn bɛ won ka ŋwɛ lale la. Ba kaa maa lalbɔɔ la ne bwe la baa kpɔa tɔ o nyoa la bobɛl pɛ ɡɛ aa ɛ dɛ nomɛl ŋwɛo jo bɔɔ la bini naa, ba won jemɛ, asɛ dɛ berɛ kpɔ soojare so bela ŋɔ báa daah bela.

Mumpar 23:16

Asɛ Abraham sɛh dɛ bɔ suuɡapoŋa lafraanaarɛ, ɡɛ Efron aa di harɛ la yoɡ ba bala la bwa no la tɛo ba siwi ta. O bɔ ba ɡɛ ba bonadiire aa dɛ peɡra ɡɛ saŋ la.

Mumpar 23:20

Gɛɛ a ɛ Hiti tena kpɔ harɛ la ne bwebɔɔ la do Abraham nɔn ta ŋɔ ó kpɔ ɛ o lala huɡribɔr.

Rut Tɔn 4:1

Boas la bwɛɛ la doonyoa baa soɡa dɛɛ kpɔ liire la, dɛ ka so bela. Belaa baa la Boas fa aa ŋɔa on tɔ sie o ɡe teŋɛ dɛ dɔ Rut nyiŋa la den baa kaa, asɛ o yerɔ dɛ ŋɔ, “N dam, ba so n be bonɔ tama.” Asɛ o ɡe la dɛ ka so o be bela.