Jeremia 31:16 - mzwDBL

¹⁶ Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Jeremia 31:16 Referans Kwoze

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”

Jeremia 30:3

Tɔpera ane dɛ ba, ásɛ n lawɛ n nɛra Israel ne Juda tena le harɛfala ta, dɛ́ berɛ kpɔ ba ba harɛ maa kpɔa tɛ ba naawa ŋɔ ba konee la ta. Men Korowiirii bola.”

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

2 Webena 15:7

Kɛ he Juda tena te, hé che kiŋkiŋ, dɛ bɛ ɡel he bwara hwah, hɛɛ dɔ he kembɔree le teŋa haa dɛ teŋɛ Korowii nɛɛ la ta.”

Jeremia 33:7

N dɛ ba ɡela Juda ne Israel tena wobɛlbwa do wer tɛɛ ba, dɛ́ berɛ ɡel bá do kpeɡri ɡɛ ba fa aa doa wubwa la.

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Jeremia 23:3

N ɡbabir ɛɛ boa ba bwa nyoa, dɛ́ le harɛre maa lɔ ba peɡre a ta la ta, dɛ́ berɛ teɡ ba ba harɛ baa dɔ kpɔɡa dɛɛ chwe ta. Baa loɡle biirii warɛ, ásɛ dɛ ya kohona.

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

1 Tesalonika 4:14

Ya yaradao kɛ Yeesu sewɔ dɛ ir. Gɛ tentenee yaa yarada kɛŋɔ Korowii dɛ ba banɔ la baa yarada Yeesu mɔɔ dɛ serewe la kpɔe dɛ́ ja Yeesu nɛɛ ba ne o ba ɡɛ saŋ waa ba la.

Jeremia 29:14

Kasinteŋ, hɛɛ na mɛɛ, ásɛ n lawɛ heyaa le Babelɔn harɛ haa kaa so o ta la ta, dɛ́ berɛ ba he ne he buɡ ta Jerusalam. Mɛɛ boa he nyoa le harɛre maa lɔ heyaa peɡre a ta la ta, dɛ́ berɛ ba he ne harɛ maa le he ne o ta kaa harɛfala ta la ta. Men Korowiirii bola.”

Yela 30:5

O baah diu waa, aa biɡri dɛ o sɔɔhnɔ, kɛ o nyina waa dɛ nyin nɛn lole saŋ bɛlbwa. Yaa won dɛɛ wi jwaana, kɛ tɔɔ ne pera dɛ silɛɛ ɡboo.

Hosia 1:11

Juda ne Israel tena ɛɛ berɔ pɛ, ásɛ dɛ le nɛmbeŋkpoŋ ó ɛ ba sitɔɔ. Ba harɛ la ɛɛ do werii ba dɔ ba te, awola ɛɛ ɛ tɔpejenii tɛ Jesreel tena.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Mumpar 43:31

Waa tona la, o samɛ o sie dɛ le buse dɛ kwaa sie do, asɛ dɛ ŋɔ bá kpɔ kondikwaa la le ba bá di.

Mumpar 45:1

Josef ta wone lawɛ o te o bonɔɔna la sie, o kpɔ takpeɡ ŋɔ ba be ŋɔ nomɛlbwa le buse, asɛ dɛ kpɔ o te baɡle o dɔɔranar la.

Yela 126:5

Nɛra baa kpɔ siniire du kwaa la, baa koma silɛɛ nee dɛɛ ɡo yela.

Aesaya 40:10

Nemenɛ Korowii dɛ ba kpeɡri ne, dɛ́ ba di kora. Hé na, o dɛ ba o kembɔr ne dɛ́ ba tɛ nɛra.

Ɛsekeɛl 37:21

dɛ́ ŋɔ men Nemenɛ Korowii ŋɔ, ‘Mɛɛ lawɛ n nɛra Israel tenaa le harɛre baa chwaa ka so a ta laanee. Mɛɛ boa ba nyoa le bela bwa baa lole, dɛ́ berɛ ba ba ne ba ɡbabir harɛ ta.