Jeremia 31:11 - mzwDBL

¹¹ N ɡelɔ Israel tena di ba nyu, dɛ lɛɛ ba le harɛre nɛra baa kpeɡa kohona nɔn ta.

Jeremia 31:11 Referans Kwoze

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Jeremia 15:21

Mɛɛ lɛɛ le nɛnchɔɡa nɔn ta, dɛ́ ɡel ba nyubinikpeɡ waa baa dɛ vɔrɔwe bwa ɛ pɛɛ.”

Aesaya 49:24

Hɛɛ won lɛ banyoo kwaa waa paa laa ta naa? Hɛɛ won lɛ nɛra baa laɡ ba laa ta le nyubinikpeɡ te nɔn ta naa?

Yela 142:6

Cheɡ deŋne no n wii, dɛkalkɛ n siwi beɡrɔ. Lɛɛ mɛ le n dɔma nɔn ta, ba kpeɡri ɡwaa n nɛ.

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Matiu 12:29

Nomɛlbwa aa won jo bokpeɡa te dea dɛ́ ŋwɛ o laala, nemenɛ o tɔ sie won vɔrɔwo mɔɔ, dɛ́ won jo o dea dɛ́ pa o laala.

Matiu 22:29

Anee Yeesu chaŋ ba ŋɔ, “He kono kwaraa! Haa wola Korowii Waa baa chwera ne o kpeɡri waa jemɛ la waa.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Jeremia 50:33

Waa Koranar Bwa Kooro aa dɛ bol laanee nɔ, “Ba dɛ fiiɡi Israel ne Juda tena. Nɛra baa laɡ ba dɛ tɔ ba ŋwɛnɛ, dɛ ŋɔ baa ɡel ba kaa.

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Jeremia 50:34

Kɛ ba Lɛɛ la kpeɡri, o sɔne Koranar Bwa Kooro. Wɛɛ yoo kohona dɛ́ lɛɛ ba, ásɛ ba dɔ bosɔɔhna ba harɛ ta, kɛ Babelɔn tena te, ba bwaraa dɛɛ ba nyɛɡa.”

Sekaria 9:16

Tɔpere la telaa, Korowii baa dɛ tomɔ la ɛɛ lɛɛ baa, kɛŋɔ peteɡre aa lɛ peera le wahala ta. Baa dɛɛ nyɛɡle o harɛ taa, kɛŋɔ suuɡaswɛm kwaa aa pɛɡle kooɡbɛrɛ ta la.

Aesaya 49:25

Ate, ɡɛ Korowii aa dɛ bolee kɛŋɔ, “Kpelaa, mɛɛ lɛ nɛra banyoola aa laɡ ba laa ta laanee le ba be, mɛɛ lɛ laala baa paa laa ta laanee le nyubinikpeɡ tena la be tɛɛ ba. Mɛɛ yo nɛra baa dɛ yo he yaa, ásɛ dɛ lɛ he bii.

Wiile 3:58

N Naa Korowii, he baa che n habɔɔ dɛ lɛɛ mɛ.