Jeremia 30:8 - mzwDBL

⁸ Koranar Bwa Kooro ŋɔ, “Awola tɔpere la, mɛɛ kuuɡi kon waa do kɛŋɔ da, ba yon kpɔ dawɛ nae nɛɛ aa parɛ, ba kpɔ dawɛ Jekɔb naanar baŋa ta laanee, dɛ́ kuuɡi jɔɡrɔre la ɡe bwa. Ásɛ nɛŋhɔɔhra aa won dɛɛ fiɡ ba kpa.

Jeremia 30:8 Referans Kwoze

Ɛsekeɛl 34:27

Harɛ la ta daa bɛlbwa ɛɛ nɔnɔɔ kɛrɛdɛ, ásɛ koo kondikwaa ɛ kohona, nomɛlbwa so deŋnesɔɔhna ta o harɛ ta. N baa lawɛ n nɛra le nɛra baa dɛ fiɡ ba kɛ yoma nɔn ta naa, anee baa ba jema kɛŋɔ menee Korowii.

Neehum 1:13

Mɛɛ teŋe kpeɡri Asiiria tena aa dɛ di he nɛɛ la taa, dɛ́ chaa jɔɡrɔre aa vɔrɔwe heyaa la.”

Jeremia 27:2

ń kpɔ oltɔn ŋwɛɛra vɔwɛ da, dɛ́ kpɔ dawɛ n baŋa ta kɛŋɔ ba yon kpɔ daa dawɛ nae nɛ aa parɛ la.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Jeremia 28:10

Belaa Hanania laa daa waa dawɛ men Jeremia baŋa kɛŋɔ bontɔɡa la ku,

Jeremia 28:13

“Ir la ka ŋɔ Hanania be ŋɔ, ‘Haa wona ku daa la nomanta, buni konee dɛɛ ba ba chiɡ o naa ta.

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Jeremia 25:14

Wɛɛ bɔ Babelɔn tena kemee waa baa ɛa la wa, ásɛ harɛre nɛra ɡalɡa ne koojena ba laɡ ba yoma.”

Jeremia 2:20

Israel tena, saŋ la bwaa he vɛh kɛ hɛɛ yer mɛ he dɔɔree, he vɛh n waa ta teŋa dɛ́ tom mɛ. Kasinteŋ, he ka dɛ tomɛ voɡa deŋɡarere dor ne dajena mune.

Aesaya 14:25

Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Aesaya 10:27

Mɛɛ laa wahala baa dɛ ɛ heyaa a berɛ heyaa bone laanee kpɔ he nɛ, ásɛ wobɛlbwa le he baŋa a ɡɛ saŋ.

Jeremia 28:4

Mɛɛ berɔɔ kpɔ Jehoiakim bibaa Kooro Jehoiachin, ne Juda tena bwa baa laɡ ba laa ta kaa bojaŋ harɛfale ta Babelɔn la bwa ba. Kasinteŋ, n dɛ ba n kuuɡi Babelɔn kooro kpeɡri waa do kɛŋɔ ba yon kpɔ daa dawɛ nae nɛɛ aa parɛ la ken. Men Korowiirii bola.’ ”

Yela 107:14

O laɡ ba le biro tenten ta dɛ chaa jɔɡrɔre baa kpɔa do ba.

Ɛsekeɛl 30:18

N baa sɔɔh Ijipt harɛ kpeɡri nyoa aa, bɔr dɛ ba bira bwɛjen Tapanes, ásɛ Ijipt harɛ kpeɡri baa cheɡɛ a ta dɛɛ ɛ mbarafo la ba a jaɡa. Baama ɛɛ tɔ o bwaa, ásɛ ba lawɛ nɛra baa lɔ o bwɛjeɡre ta kaa.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 14:3

Awola tɔpere Korowii aa tɛ heyaa ona le weweele ne hɔhɔrɔwa dɛ dochɔɡa he fa aa lɔ a ta la,