Jeremia 3:6 - mzwDBL

⁶ Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Jeremia 3:6 Referans Kwoze

Ɛsekeɛl 23:11

O nime Oholiba na ɡɛ waa nɔ bwa, kɛ dɛ ɡarɛ bɔ jwamane ɡwaa o nahaah la kwara.

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Ɛsekeɛl 16:31

Haa ta pweeri fɔɡbaahna dɛ kpɔ he voɡa chɔŋɛ a ta nɛra bwa siwi ta dɛɛ bɔ jwamane nomanta, he waane laa suuɡa wa kwara.

Jeremia 17:2

He nɛra laŋɔ kaa tomɛ kwaa haa dɛ ɛ sarahare a ta, ne voɡhaah Asera dajaŋa baa paaɡa dajena mune ne deŋɡarere,

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Aesaya 57:7

Bwejena doree he la dɛ ka kpoo kwaa dɛɛ ɛ saraha, dɛɛ di sɛm.

1 Koranar 14:23

Ba ɡe cheɡ voɡa deŋɡarere ta, dɛ paaɡe bwea, dɛ kpɔ voɡ Asera dajaŋa paaɡe deŋɡare bɛlbwa ta ne dajen bɛlbwa mun.

2 Webena 34:1

Josia aa di kora dɛ o dɔ bene anuatoro. O soɡe Jerusalam dɛ di kora bene fifraatoro dɛ beŋkpoŋ.

Jeremia 1:2

Korowii bol waa Jeremia be ɡɛ saŋ Amɔn bibaa Kooro Josia aa di kora Juda harɛ ta bene fi dɛ atoro ta,

Jeremia 5:11

Israel ne Juda tena bwa waa ta kasinteŋ dɔe tɛ mɛ kwaraa. Men Korowiirii bola.”

Jeremia 11:10

Ba charɛ ba liire dɛɛ ɛ ba naawa wechɔɡa baa ɛa la, dɛ vɛh n waa ta teŋa. Ba kaa teŋɛ voɡare ane nɛɛ dɛɛ toma. Israel ne Juda tena bwa chɔɡ fɔo n ne ba naawa aa fɔwa la.

Jeremia 31:22

Nɛra he wa aa wola kasinteŋ dɔe, saŋ besoo hɛɛ ba he ɡaaɡe bala nɔ ɡela ɔ? He fa do kɛ bitolo o wa aa wola kasinteŋ dɔe. Mɛɛ beɡre wobɛlbwa anfalaa harɛ nɔ bwa taa, kɛŋɔ haah aa kpɔ nɔn dɛɛ tɔ o jaa nɛɛ la ken.”

Ɛsekeɛl 23:4

Nomoa la sɔne Ohola, asɛ bechala la ɡe sɔne Oholiba. N haahnaa ban, ba loɡle bibaala ne bihaahna tɛ mɛ. Ohola cheɡɔ tɛ Samaria asɛ Oholiba ɡe che tɛ Jerusalam.

Hosia 4:13

Bwejena doree baa ɛ sarahare, dɛɛ fuh saraha kwaa deŋɡarere ta, ne dajena bwa soo siwi a chunchule aa soma lɔɡre. A cheɡɛ a ta he bihaahna kpɔ ba te do jwamane ta, asɛ he bibaala haahna ɡe ɛɛ chɔɡ yal.

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Sitɔɔla 2:17

Kɛ ba vɛh sitɔɔla la be noe, dɛ kpɔ ba te tɛ voɡa dɛɛ toma. Ba ta doe kɛŋɔ ba naawa ba fa aa dɛ no Korowii wa dɛɛ teŋɛ waa waa do ba a ta la ta. Ba vɛh o ŋwɛnɛ ta teŋa buɡ ta.

Yela 106:39

A cheɡɛ ba we-ɛɛla ta, ba kpɔ doŋa kah ba te, ba waa ta kasinteŋ dɔe tɛ hen Korowii.

Aesaya 57:3

Kɛ heya, sɔmmɔra bii, nɛra baa dɛ chɔɡ yal ne jwamane tena bii, hé ba bonɔ!

Ɛsekeɛl 16:35

Anomanta, Jerusalam, he do kɛ hanjwamane. Dɛ́ɛ no waa Korowii aa dɛ bol he be.