Jeremia 29:6 - mzwDBL

⁶ Hé mo haahna dɛ́ loɡle bibaala ne bihaahna, dɛ́ nyin haahna tɛ he bibaala ɡe, ásɛ dɛ kpɔ he bihaahna ɡe tɛ yal, ɡɛ aa ɛ ásɛ ba ɡe dɔ bibaala ne bihaahna. Hé ɡel he mun ya kohona bela, dɛ bɛ mule.

Jeremia 29:6 Referans Kwoze

Sitɔɔla 12:9

Dɛ o dɔ bibaala fifraatoro dɛ bihaahna ɡe fifraatoro. O kpɔ o bihaahna la tɛ baala baa wola o dea ta leɛ ba mo. Asɛ dɛ ka mo toli fifraatoro baa wola o dea ta leɛ tɛ o bibaala la. Ibsan tɔ Israel tena sie bene anuanɛ.

Mumpar 29:19

Anee Laban ŋɔ, “Dɛ he laa aa, maa on kpɔ tɛ nomɛlbwa. So n be.”

Mumpar 24:51

Rebɛkaa la, kpɔɔ kaa ásɛ o ka yalɛ he dɔɔ bie ɡɛ Korowii aa bola la.”

Mumpar 21:21

Asɛ o nya nyin Ijipt haah tɛo.

1 Timoti 5:14

Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.

Sitɔɔla 14:2

Waa bera ba dem la, o ŋɔ o nya ne o mɛɛ be ŋɔ, “Maa la Temna la, n na Filisti tolo bɛl n sie lɛ o nɛ. N dɛ nyin kɛ hé ka moo tɛ mɛ.”

Mumpar 34:4

Sɛkem ŋɔ o mɛɛ be ŋɔ, “N mɛɛ, n dɛ nyin kɛŋɔ he ka nyin Daena tɛ mɛ ń mo.”

Mumpar 9:7

Hé loɡle bii, ásɛ dɛ ya warɛ kohona, ásɛ he naanar su harɛ nɔ ta bobɛlbwa.”

Mumpar 24:60

Asɛ ba swee andɛɛɡa tɛ Rebɛka ŋɔ, “Ya nimambie, Korowii ɡel he ya kohona, he mun ya kohona aa wola nyoa dɔ, ásɛ he naanar yo lɛ ba dɔma bwɛɛre dɛɛ di a kpeɡri.”

Kaala 5:11

Hé ɡbabir ka ɡaaɡe nyin he kpɔɡa. Kɛ ɡɛ tenten maa maɡa tɛ heyaa wubwa laanee hɛɛ ba ɛɛ.”