Jeremia 29:25 - mzwDBL

²⁵ waa chwerɛ tɔn o sɔn ta ka tɛ nɛra baa lɔ Jerusalam bwa, ne sɔfo Maaseya bibaa Sefania dɛ sɔfore baa kaa bwa be. Tɔn la bini la, o bol Sefania be ŋɔ,

Jeremia 29:25 Referans Kwoze

Jeremia 52:24

Laa sitɔɔ Nebusaradan lawɛ Sɔfonomoa Seraya ne o dɔŋ Sefania o ɡe aa dɛ chao, dɛ nomonome batoro bane baa dɛ daah doonyoa la laa ta kaa.

Jeremia 37:3

Belaa Kooro Sedekia tomɛ Sɛlɛmia bibaa Jehukal, ne Maaseya bibaa sɔfo Sefania ŋɔ ń che ba naa ta soŋe Korowii yaa dɛ tomɔ la tɛ ya harɛ nɛra.

Jeremia 29:29

Anee sɔfo Sefania kure tɔn la bini waa baɡle men Jeremia.

We-ɛɛla 9:2

dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.

Nehemia 6:19

Nɛra yon baa bol Tobia wedɛɛɡa bwa waa ɛa n be, dɛ kaa bol anɔ la n ɡe aa bola o be. Asɛ o teŋɛ chwerɛ tɔne dɛ baa aah mɛ.

Nehemia 6:17

Gɛ saŋ la bwa, sitɔɔla baa lɔ Juda harɛ bwa chwerɛ tɔne kaa tɛ Tobia, asɛ o ɡe kwa ɛɛ la ba be,

Nehemia 6:5

Ate, Sanbalat tomɛ o bonɔɔna la bini bɛl n be anɔ la aa teŋa nue, ɡɛ waa la tenten ne. Dɛ o kpoŋe tɔn la o nɔn ta, o ta o nyoa marɛ.

2 Webena 32:17

Koojen Senakerib chwerɛ tɔne dɛ chɛɡre Korowii Israel tena aa dɛ tomɔ la ŋɔ, “Gɛ harɛre ane voɡare aa wola wone lɛ a nɛra n be la, ɡɛɛ voɡ Kooro Hɛsɛkea aa dɛ tomɔ la aa wola won lɛ o nɛra.”

2 Koranar 19:14

Ate, Kooro Hɛsɛkea lɛ tɔn la dɛ kure, dɛ kpɔ la Korowii Dea, dɛ ka laa paɡri bil Korowii sie.

2 Koranar 19:9

Belaa Asiiria koojen no kɛŋɔ, Ijipt Kooro Tirhaka waa le Itiopia ne o laa tena dɛ́ ba ba yoo. Anomanta, o chwerɛ tɔn, dɛ kpɔ tomɛ toroma Juda Kooro Hɛsɛkea be ŋɔ,

Jeremia 29:1

Kenii tɔn men Korowii keame Jeremia aa chwera le Jerusalam, ka tɛ nomonome baa kaa dɛ ja nɛra baa laɡ ba kaa la, ne sɔfore ne Korowii keamere, dɛ nɛra baa jaa Kooro Nebukadnesa aa laɡ ba le Jerusalam dɛ kaa ba ne Babelɔn la bini waa do.