Jeremia 29:12 - mzwDBL

¹² Belaa hɛɛ ba n sɔn yera dɛɛ soŋ mɛ, ásɛ n no he wesoŋa.

Jeremia 29:12 Referans Kwoze

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 145:19

Nɛra baa dɛ ɔmɛ la, he dɛ tɛɛ ba ba konnyina, dɛ no ba wii dɛɛ lɛɛ ba.

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Ɛsekeɛl 36:37

Nemenɛ Korowii ŋɔ, “Mɛɛ berɔ no Israel tena wesoŋa ja, ásɛ dɛ ɛ ɡɛ waa la tɛɛ ba. N dɛ ba ɡela ba warɛ kɛŋɔ peera ken.

2 Webena 6:38

Dɛ ba berɔ ba he be ba bambile ne ba liire bwa ne, dɛ kpɔ sie chaɡɛ harɛ haa kpɔa tɛ ba naawa bwɛjen haa lea cheɡ, asɛ n do he Dea tɛɛ he sɔn ta nɔ naa,

2 Webena 33:13

Korowii no o wesoŋa, a che a ta o ɡel ba berɛ kpɔɔ ba Jerusalam o ba di kora ja. Anɔɔ ɡela Kooro Manasɛ jemɛ kɛŋɔ Korowii ɛ kasinteŋ Korowii.

Job Tɔn 22:27

Hɛɛ wiu noo ásɛ o no he be, hɛɛ baɡɔɔ nyoa dɛ́ won teŋɛ a ta.

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

Jeremia 50:4

Korowii ŋɔ, “Awola tɔpere la telo aa, Israel ne Juda tena bwa ɛɛ pɛo dɛɛ wi, dɛɛ ɡaaɡe men Korowii baa dɛ tom mɛ bɔr.

Jeremia 51:50

Korowii berɔ bol waa o nɛra baa lɔ Babelɔn harɛ ta be ŋɔ, “He nɛra haa chwaa dɛ dɔ he nyu la, hé le warane, he bɛ hɛlɛ. Hé lɔ bojaŋ harɛ ta te, kɛ he lii n wa, dɛɛ lii Jerusalam ɡe wa.”

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.