Jeremia 28:4 - mzwDBL

⁴ Mɛɛ berɔɔ kpɔ Jehoiakim bibaa Kooro Jehoiachin, ne Juda tena bwa baa laɡ ba laa ta kaa bojaŋ harɛfale ta Babelɔn la bwa ba. Kasinteŋ, n dɛ ba n kuuɡi Babelɔn kooro kpeɡri waa do kɛŋɔ ba yon kpɔ daa dawɛ nae nɛɛ aa parɛ la ken. Men Korowiirii bola.’ ”

Jeremia 28:4 Referans Kwoze

Jeremia 22:24

Korowii ŋɔ Kooro Jehoiakim bibaa Kooro Jehoiachin be ŋɔ, “Men Korowii taa lole nɔ, hale dɛ he do kɛŋɔ noniseɡ waa dɛ baɡle kpeɡri nɛn aa dɔa, dɛ do n nɔndiɡ ta kwaraa naa, mɛɛ foori ta.

Jeremia 28:2

“Waa Koranar Bwa Kooro, Israel tena aa dɛ tomɔ la aa dɛ bol laanee nɔ, ‘Mɛɛ kuuɡi Babelɔn kooro kpeɡri, waa do kɛŋɔ ba yon kpɔ daa dawɛ nae nɛɛ aa parɛ laanee.

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Neehum 1:13

Mɛɛ teŋe kpeɡri Asiiria tena aa dɛ di he nɛɛ la taa, dɛ́ chaa jɔɡrɔre aa vɔrɔwe heyaa la.”

Jeremia 30:8

Koranar Bwa Kooro ŋɔ, “Awola tɔpere la, mɛɛ kuuɡi kon waa do kɛŋɔ da, ba yon kpɔ dawɛ nae nɛɛ aa parɛ, ba kpɔ dawɛ Jekɔb naanar baŋa ta laanee, dɛ́ kuuɡi jɔɡrɔre la ɡe bwa. Ásɛ nɛŋhɔɔhra aa won dɛɛ fiɡ ba kpa.

Jeremia 28:10

Belaa Hanania laa daa waa dawɛ men Jeremia baŋa kɛŋɔ bontɔɡa la ku,

Jeremia 24:5

“Kenii men Korowii Israel tena aa dɛ tom mɛ la ŋɔ, ‘Fiɡ nɔndɛɛɡa la do kɛŋɔ, Juda tena maa ɡela ba laɡ ba laa ta kaa bojaŋ harɛ Babelɔn.

Jeremia 22:10

Juda tena, he bɛ Kooro Josia wi, he bɛ o lwe kwaraa ɛ. Kɛ hé wi tɛ o bibaa Joahas kohona, dɛkalkɛ baa lawɔɔ kaa bojaŋ harɛfale ta waa wola berɛ ba kpa, waa harɛ baa lolɔ o taa na kpa.

Jeremia 2:20

Israel tena, saŋ la bwaa he vɛh kɛ hɛɛ yer mɛ he dɔɔree, he vɛh n waa ta teŋa dɛ́ tom mɛ. Kasinteŋ, he ka dɛ tomɛ voɡa deŋɡarere dor ne dajena mune.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Mumpar 27:40

Yoi ɡboo hɛɛ ba dɛɛ yoi mɔɔ dɛ́ dɔ kwaa di, dɛɛ tomɛ he nime. Kɛ he baa tomɔ la sie tama naa, hɛɛ yoo, dɛ́ berɛ won lɛ he te.”

Jeremia 27:8

Kɛ dɛ harɛ bɛlbwa nɛra ta sɛɛh dɛ kpɔ ba te do o lɔɡa aa, mɛɛ ɡeloo bá kpoo ba laa ta, kɛɛ dɛ́ kpɔ lɔr ne weechɔɡa ba ta ba nɛ, á ɛ ba deŋnetɛra ka tel kɛŋɔ maa ɡela Kooro Nebukadnesa aa chɔɡ ba kwaraa.

Lewi Dea Tena 26:13

Menee Korowii haa dɛ tom mɛ n lawɛ heyaa le Ijipt harɛ ta, ásɛ he bɛ yoma ɛ tɛɛ ba kpa. Menee le heyaa hɔhɔrɔwa ta, dɛ́ ɡel a le he baŋa he paŋi dɛɛ valɛ la.

2 Koranar 24:14

Kooro Nebukadnesa larawe Jerusalam nomonome ne laa tena bwa, ne nɛra baa jemɛ kwaa sɛɛh ne loɡra bwa kaa. Dɛ ba lɔ nɛra kaɡboŋa fi, ba ta nomɛlbwa ɡelɛ, nemenɛ nɛra baa nyaa kohona, dɛ do bela ɡbosoo.

Jeremia 13:19

Baa tɔɔɡe Juda weekaŋle harɛbɔr bwɛjena ɡbenii baa wola won yaa, dɛkalkɛ ba dɔma baa chɔ bar bwɛɛ la. Baa lawɛ Juda tena bwaa kaa bojaŋ harɛfala ta.

Jeremia 29:1

Kenii tɔn men Korowii keame Jeremia aa chwera le Jerusalam, ka tɛ nomonome baa kaa dɛ ja nɛra baa laɡ ba kaa la, ne sɔfore ne Korowii keamere, dɛ nɛra baa jaa Kooro Nebukadnesa aa laɡ ba le Jerusalam dɛ kaa ba ne Babelɔn la bini waa do.

Jeremia 29:2

N chwerɛ tɔn nɔ ɡɛ saŋ baa lawɛ Kooro Jehoiachin ne o nya ne koodem nomonome, ne Juda ne Jerusalam nomonome, ne nɛra baa dɔ kwaa sɛɛh wejema, dɛ banɔ la baa dɔ kwaa bwa soo siwi ɛɛ wejema laa ta kaa harɛfale ta la.