Jeremia 28:11 - mzwDBL

¹¹ asɛ dɛ che nɛra la bwa sie dɛ ŋɔ, “Korowii bolɔ ŋɔ, ɡɛɛ wɛɛ ba o kuuɡi Babelɔn kooro kpeɡri waa do kɛŋɔ daa ba yon kpɔ dawɛ nae nɛɛ aa parɛ, Babelɔn kooro kpɔ dawɛ harɛre nɛra baŋa ta la. Bene anɛ ne tela dɛ ɡɛ waa nɔ ɛo.” Ate, Jeremia le bela dɛ kaa.

Jeremia 28:11 Referans Kwoze

Jeremia 14:14

Belaa Korowii ŋɔ n be ŋɔ, “Keamere la teŋe nyosone dɛɛ bol wa n sɔn ta. N ta ban tomɛ kɛɛ dɛ lee ba, n ta wobɛlbwa ɡe bolɛ ba be. Waa baa dɛ na chaahna ta, ne anɔ la aa chiɡ kerekere, dɛ voɡa toma waa baa dɛ bol la bwa ɛ waa ba ɡbaɡba aa liira.

Sɛɡla 14:7

Laa he te kpɔ ɡɛne nɛ, waa won baɡle wobɛlbwa.

Jeremia 29:9

Nyosonee ba che n sɔn ta teŋe dɛɛ baɡle heya. N ta ban tomɛ. Men Korowiirii bola.’ ”

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

2 Webena 18:10

Keamere la bini bɛlee, Kenaana bibaa Sedekia. O kpɔ bune ɛ kwaane a do kɛ nyeɡlare. O ŋɔ Kooro Ahab be ŋɔ, “Waa Korowii aa dɛ bol laanee nɔ. ‘Kwaa nɔɔ hɛɛ ba kpɔe yo Siiria tena dɛ́ pɔ ba nɛ.’ ”

1 Koranar 22:6

Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba. Korowii ɛɛ kpɔ baa do he nɔn taa.”

1 Koranar 13:18

Ate, Korowii keame banjena la chaŋe ŋɔ, “N ɡe ɛ Korowii keame kɛ hen. Korowii ɡelɔ nyundua torome ba ŋɔ n be ŋɔ ń ba kpɔe kaa dem, dɛ ka tɛɛ kondikwaa ne nee he nyɔ.” Kɛ dɛ neɡraa wɛɛ neɡro.

Ɛsekeɛl 13:7

N ŋɔ ba be ŋɔ, ‘He wepila haa naa la bwa ɛ nyosone, asɛ waa haa ŋɔa aa bao la ɡe ta kasinteŋ ɛɛ. He ŋɔ, men Korowiirii pila dɛɛ baɡle heya, dɛ n ɡe laa bola.’ ”

Jeremia 28:15

Belaa men Jeremia ŋɔ Hanania be ŋɔ, “Dɛɛ no, Hanania! Korowii laa tomɛ, asɛ he teŋe nyosone dɛɛ baɡle nɛra nɔ ba ɡe ɛɛ yarada la.