Jeremia 27:17 - mzwDBL

¹⁷ He bɛ ba be dɛɛ no! Hé kpɔ he te ka do Babelɔn kooro lɔɡa, ásɛ dɛ dɔ he nyu! Ɛrɛɛ chɛ kɛŋɔ bwɛjen nɔ paɡre dɛ́ berɛ dimɡbia ɔ?

Jeremia 27:17 Referans Kwoze

Jeremia 38:23

Asɛ men Jeremia berɛ ŋɔ, “Baa lawɛ haahna ne ba bii bwaa ka tɛ Babelɔn tena. He ɡbabir ɡe aa a nyoa lee ba. Babelɔn kooro ɛɛ lawɛ hen kooro laa taa kaa bojaŋ harɛfale ta, ásɛ ba fuh bwɛjen nɔ bwa dɛɛboo ken.”

Jeremia 38:17

Belaa n ŋɔ Kooro Sedekia be ŋɔ, “Korowii Waa Ɛ Koranar Bwa Kooro, Israel tena aa dɛ tomɔ la ŋɔ, ‘Dɛ he kpɔ he te do Babelɔn kooro nomonome lɔɡa aa, baa hen kpo, ásɛ dɛ ɡel bwɛjen nɔ ɡe fuih, he ne he lolanar bwa ɡe dɔ he nyu.

Jeremia 7:34

Harɛ la ɛɛ berɛ pua hɛŋle ɡbo harɛɛ. Mɛɛ laa silɛɛ ɡbɔɡa te bɛlbwaa kpɔ Juda ne Jerusalam fɔɡbaahnaa, hale ba hanfalwaa silɛɛ bwa. Dɛkalkɛ harɛ la ɛɛ berɛ dimɡbiaa.”

Jeremia 42:11

He bɛ Babelɔn kooro haa dɛ ɔmɔ taraken nɔ ɔmɛ. Men Korowii ŋɔ he bɛ on ɔmɛ, dɛkalkɛ n ja he nɛɛ dɛ́ won lɛ heyaa le o nɔn ta.