Jeremia 26:6 - mzwDBL

⁶ Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 26:6 Referans Kwoze

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

2 Koranar 22:19

‘Haa kure tɔn la, dɛ no Jerusalam nɛra deŋnetɛra, ne ba taahna waa he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

Jeremia 25:18

Jerusalam ne Juda bwɛɛre nɛra, ba ne ba koranar ne nomonome bwa, ásɛ a ɡel ba harɛ berɛ dimɡbia, nɛra bambile teŋe baa mamɛ dɛɛ taah ba dɛ kpoŋe ba le fini.

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Malakae 4:6

Wɛɛ berɔ ɡel nyopɛo ba mɛɛnanar ne ba bii baah ta, dɛ ɡɛ laa tenaa, mɛɛ ba taah harɛ laanee ó chɔɡ.”

Daneɛl 9:11

Ya Israel tena bwa koni he Mmara la, dɛ vɛh kɛŋɔ yaa no he waa. Asɛ he ɡel taahna waa baa ŋwɛɛ ntam dɛ chwera he bonɔɔ Mosis Mmara la ta la ba ya nɛ, dɛkalkɛ ya ɛ wechɔɡa dɛ jo he nɛ.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 42:18

Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”

Jeremia 29:22

Ba nomanta, nɛra baa laɡ ba le Juda harɛ kaa Babelɔn la bwa dɛ́ nyin ba taah nɛn aa baa ŋɔ, “Kórowii ɛo kɛŋɔ Sedekia ne Ahab Babelɔn kooro aa fuuh ba la.”

Aesaya 43:28

Anomanta, mɛɛ le he sɔforee le ba toma ta Korowii Dea sihiih kpo ba. Mɛɛ kpɔ Israel tenaa do ba dɔma nɔn ta bá chɔɡ ba, ba tama baa ka ɡe, bá ɛɛ ba nɛnhɛla.”

Josua 18:1

Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,

Sekaria 5:3

Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.”

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Wiile 2:15

Bwɛjen Jerusalam, nɛra baa teŋa baa kaa nyiŋi dɛɛ mamɛ. Ba viiɡi nyuune dɛɛ mamɛ, chɔɡa haa chɔɡa waa dɛ ŋɔ, “Akwe, bwɛjen Jerusalam waa wera kohona, asɛ harɛre nɛra bwa sie fa ɛɛ lɛ o nɛɛ laanee nɔ naa?”

Wiile 2:16

He dɔma bwa dɛ mamɛ dɛɛ muɡli he baah. Ba mile nyoo dɛɛ pwee ŋɔ, “Ya wono chɔɡo! Tɔpere yaa dɛ kpa laanee fini!”