Jeremia 25:14 - mzwDBL

¹⁴ Wɛɛ bɔ Babelɔn tena kemee waa baa ɛa la wa, ásɛ harɛre nɛra ɡalɡa ne koojena ba laɡ ba yoma.”

Jeremia 25:14 Referans Kwoze

Jeremia 51:6

Hé chwa le Babelɔn harɛ! Hé chwa lɛ he nyuune! He bɛ Babelɔn tena wechɔɡa waa koh serewe. Saŋ telo kɛ men Korowii bɔ ba kem, mɛɛ tɛr ba deŋnee ɡɛ aa chɛa.

Jeremia 50:9

Mɛɛ do harɛre nɛra baa pɛ nyoa dɛ do kpeɡrii le weekaŋle nyunduabɔr, bá bar Babelɔn tena cheme, dɛ́ yoo ba, dɛ́ pɔ ba nɛ. Ba do kɛŋɔ kpaahna baa jemɛ hɛma tae kɛrɛdɛ, baa wola tae dɛɛ kur.

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Jeremia 50:41

Hé nyiŋi na! Laa tena le weekaŋle nyunduabɔr dɛɛ ba, harɛ o nɛra aa kana o koranar warɛ kpɔ ba te le harɛ jaɡa dɛɛ ba ba yo laa.

Daneɛl 5:28

Pɛrɛs ɡe munii kɛŋɔ, ba bɔne he kora bini tɛ Midia ne Pɛɛsea tena.”

Aesaya 66:6

Hɛɛ no moola kohona aa dɛ le bwɛjen la bini, dɛ́ no ɡbɔɡa aa le Korowii Dea bela. Korowii deŋnetɛra waa kpɔa dɛɛ tɛ o dɔma moolaa.

Aesaya 14:2

Harɛre nɛra ɛɛ cha baa dɛ kpɔ ba ba, ba ɡbaɡba harɛ ta. Ásɛ Israel tena berɛ kpɔ harɛre la nɛra berɛ ba yoma Korowii harɛ waa kpɔa tɛ Israel tena la ta. Nɛra Israel tena fa aa lɔ ba lɔɡa la berɛ ba do ba lɔɡa, ásɛ dɛ baa tom ba.

Yela 137:8

Babelɔn tena, ɡɛ haa kpɔa ɛ yaa nɔ, Korowii swee andɛɛɡa tɛ nɛra baa bá bɔ heya a kem.

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

Aesaya 13:4

Hé no! Gbɔɡa dɛ le bwejena dor dɛɛ ba birbir kɛ nɛnlaa aa dɛ valɛ ken, kɛ harɛre nɛra ne ba koranar aa baa pɛ ken. Nemenɛ Korowiirii dɛɛ yer ba bá kaa laa la.

Jeremia 32:19

He dɛ vɔrɔwe vɔrɔwa aa wera dɛɛ ɛ wejena. He sie lɔ wobɛlbwa nɛn aa dɛ ɛ ta, dɛɛ bɔ ba kem ɡɛ bɛlbwa we-ɛɛla aa doa.