Jeremia 23:35 - mzwDBL

³⁵ A chɛ kɛ bá ɡarɛ bɔɔ ba daamanar ne lolanar ŋɔ, ‘Bɔkwa waa Korowii chaŋe ɔ? Bɔkwa waa o bol ɔ?’

Jeremia 23:35 Referans Kwoze

Hibru 8:11

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘A wer kɛŋɔ he jemɛ Korowii’ kpa, dɛkalkɛŋɔ ba bechale ne nomonome bwa ɛɛ jem mɛɛ.

Jeremia 42:4

Anee n chaŋe ŋɔ, “N noɔ, mɛɛ soŋe Korowii yaa dɛ tomɔ ɡɛ haa dɛ soŋe laanee, ásɛ wobɛlbwa waa bol n be la, ń bol he be. Maa wobɛlbwaa kpɔ sɔh heya.”

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.