Jeremia 23:20 - mzwDBL

²⁰ Korowii bandia la nyoa aa sɔɔh, ka tel kɛŋɔ waa ɛ o tetoowa tonɛ. Tɔpera ane dɛ ba bala, ásɛ mɔɔ he no waa nɔ mun kɛrɛdɛ.

Jeremia 23:20 Referans Kwoze

Jeremia 30:24

Korowii bandia waa do ɔma la nyoa aa won sɔɔh, atane o tonɛ o bambile bini wa. Tɔpera ane ta dɛ ba mɔɔ, ásɛ n nɛra won no waa nɔ mun.

Aesaya 55:11

Gɛɛ waa aa le n nyoa ɛɛ ba ɛɛ. Maa bol á berɛ ba n be pɛɛpɛɛ, nemenɛ waa maa dɛ nyin la bwa aa ɛa ka tonɛ.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Aesaya 14:24

Koranar Bwa Kooro ŋwɛɛrɔ ŋɔ, “Waa maa vɔrɔwa la, anee dɛɛ ba ɛɛ, anɔ la aa dawɛ n sie la ɡee mɛɛ ba ɛɛ.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Mumpar 49:1

Jekɔb yerɛ o bibaala asɛ dɛ ŋɔ, “Hé bwa ba cheme, ásɛ n baɡle heyaa waa aa dɛ ba he nɛɛ bala kerekere.

2 Koranar 23:26

Kɛ ane a bwa, Korowii bandichɔɡe waa lɔ Juda harɛ ta tena nɛɛ la, dɛ o ta sɔɔhnɛ, Kooro Manasɛ waa waa ɛa dɛ kpɔ ir o bandia la wa.

1 Koranar 8:47

hale ba lɔ ba dɔma la harɛ ta, dɛ charɛ ba liire dɛ sɛh ba wechɔɡa dɛ ŋɔ, ‘Ya ɛ wechɔɡa, dɛ ɛ waa aa wola were.’

Mmarare 4:30

Dɛ ɡɛ wahala nɔ bwa ba he nɛ aa, he siwi ɛɛ beɡroo ásɛ he ba Korowii be dɛ́ baa duuru.

2 Koranar 23:27

Korowii ŋɔ, “Mɛɛ le Juda harɛ nɛra ɡe nee, ɡɛ maa le Israel harɛ nɛra ne la. Dɛ́ vɛh bwɛjen Jerusalam tena maa lee ba cheɡ tɛ n te, ne Dea nɔ maa ŋɔa baa tom mɛ o bini nɔ ta.”

Jeremia 4:28

Gɛ nomanta, harɛ la ta nɛra ɛɛ wiu ásɛ nyundua bwa bir, dɛkalkɛ menee bola maa nsana le. N dɔɔ kpɔ a liire, maa habɔɔ le.”

Jeremia 51:12

Hé ir fraŋkaa ásɛ laa tena jemɛ dɛ́ ba kuuɡi Babelɔn danjwɛɛre. Hé le laa tena la bane ba ba ja dɛɛ daah bwɛɛ la dahare, bane ɡe chɔ baro.” Korowii dɔɔ kpɔ liire ŋɔ wɛɛ chɔɡ Babelɔn tenaa.

Ɛsekeɛl 21:5

Anee dɛ́ ɡel nɛra jemɛ kɛŋɔ men Korowii, n pamɛ n kere aa, maa berɛ kpɔ su o tɔɔ ta kpa.

Ɛsekeɛl 21:10

N saro dɛ́ kpɔ kpo. O dɛ nyɛɡle kɛŋɔ bwaala nyɛɡla ken! Silɛɛ bɛlbwa aa n nɛra nɛɛ doe ba, dɛkalkɛ ba ta kaeh maa kah ba la ne n deŋnetɛra la ɔmɛ.