Jeremia 22:5 - mzwDBL

⁵ Kɛ dɛ haa waa maa do heyaa a ta teŋaa, amɔ te men Korowii, n dɛ ŋwɛɛ n ɡbaɡba kɛŋɔ koodem nɔ bwa ɛɛ kuuɡuu dɛ́ berɛ dimɡbia.”

Jeremia 22:5 Referans Kwoze

Emɔs 6:8

Nemenɛ Korowii, Korowii Waa Ɛ Kpeɡri Bwa Dɔɔ ŋwɛɛ o ɡbaɡba ŋɔ, “N hah mbarafo Israel tena aa dɛ ɛ la, dɛ ki ba dekpeɡa baa soɡe a bini. Mɛɛ kpɔ bwɛjen la ne komɛlbwa waa lɔ o taa do ba dɔma nɔn ta.”

Hibru 6:13

Korowii baɡɛ Abraham nyoa. Waa baɡɔ nyoa la, komɛlbwa aa wola toole dɛ ɡwaalo la, o ɡbaɡbaa o ŋwɛɛ, dɛ ŋɔ,

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

Mumpar 22:16

dɛ ŋɔ, “N ŋwɛɛ n ɡbaɡba kɛŋɔ waa nɔ haa ɛa he ta men he bibeŋkpoŋ kwaraa vɔmɛ nomanta,

Jeremia 39:8

Babelɔn tena la fuh koodem la ne nɛra la deene, dɛ kuuɡi Jerusalam danjwɛɛre bwa ɡe.

Aesaya 1:20

Kɛ dɛ he vɛoh dɛ ta do he kpaŋa la ta te naa, laa nyoa hɛɛ ba kae. Men Korowiirii bola.”

Hibru 6:17

Dɛ Korowii dɛ nyin o baɡle nɛra baa dɛ ba kon waa baɡ ba nyoa ŋɔ wɛɛ ɛo tɛɛ ba la kɛŋɔ waa o liire chara ba bwa, a waa o ŋwɛɛ la.

Hibru 3:18

Korowii aa ŋwɛɛra ŋɔ baa ona waa tɛɛ ba ŋɔ bá ba onɛ la dɔe ba la, dɛ lepetena bee o ŋɔ ɡɛ nɔɔ? Nɛra baa ɛ deŋnekpeɡ la bee o ŋɔ ɡɛ.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Yela 95:11

N baah aa dia la, n ŋwɛɛrɔ ŋɔ, ‘Baa ona maa tɛɛ ba ŋɔ bá ba onɛ ɡɛ maa dɛ onɛ la dɔe ba bwa.’ ”

2 Webena 7:22

Ásɛ nɛra chaŋe ŋɔ, ‘Baa le Korowii baa dɛ tomɔ, o le ba naawa ne Ijipt harɛ ta habɔɔ, dɛ berɛ kaa yarada voɡa ane dɛɛ toma la waa Korowii kpɔ ɡɛ wekpeɡa nɔ ta ba nɛɛ la.’ ”

2 Webena 7:19

Kɛ dɛ he ne he nɛra berɛ habɔɔ kpo mɛ, dɛ vɛh me Mmarare ta teŋa, dɛ kaa tomɛ voɡa ane dɛɛ ɡuŋa aa,

Matiu 23:38

Anomanta, Korowii ɛɛ ta he waa tɛ heya.

Jeremia 26:4

Korowii berɔ ŋɔ ń bol nɛra la be ŋɔ, “Hɛɛ teŋɛ n waa maa dɛ baɡle heyaa la ta,

Jeremia 44:26

He Juu tena haa soɡe Ijipt bwa, hé no waa Korowii aa dɛ bol ŋɔ o ŋwɛɛ o ɡbaɡba sɔn waa kana kɛŋɔ Juu te bɛlbwa waa soɡe Ijipt harɛ ta bobɛlbwa aa won yerɛ o sɔn ŋwɛɛ ŋɔ, ‘N ŋwɛɛ Nemenɛ Korowii waa lole.’ ”

2 Webena 7:21

Dea nɔ dɛ ba kuuɡa chɔ, ásɛ nomɛlbwa waa teŋe ba kaa la nyoa kpo o bwara yɔr o ŋɔ, ‘Bɔkwa waa ɡela Korowii ɛ harɛ nɔ ne Dea nɔ ken?’

Jeremia 12:7

Korowii berɔ ŋɔ, “Mɛɛ vɛh n nɛra Israel tenaa, nɛra maa lee ba tɛ n te la. Mɛɛ lawɛ nɛra maa dɛ nyin ba waa do ba dɔma nɔn ta.