Jeremia 22:13 - mzwDBL

¹³ Nomɛlbwa waa wola ŋwɛnɛdɛɛɡe ta kpɔe dɛ ma o koodem la, o bwɛɛlɛ. O cheɡɛ neɡra ŋwɛnɛ ta, dɛ paɡri o nyundua deene, dɛ ɡel o harɛ nɛra ɛ toma pɛɛpɛɛ, o ta ban kem bɔe.

Jeremia 22:13 Referans Kwoze

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.

Maeka 3:10

Nɛŋkpoa ne kasinteŋ bɛ dɔe taa he che dɛɛ ma Korowii bwɛjen Jerusalam.

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Jeremia 22:18

Anomanta, ɡɛ Korowii aa bol Juda Kooro Josia, o bibaa Jehoiakim waa nɔ. “Nomɛlbwa aa Kooro Jehoiakim seo waa wi, kɛɛ dɛ ŋɔ, ‘Aku, n dam, he seo dɛ we, bwɛɛlɛ ne seo.’ Nomɛlbwa aa on wi ŋɔ, ‘Aku, n dɔɔ, kɛɛ n naa kooro, bwɛɛlɛ ne seo!’

2 Webena 36:4

Ijipt Kooro Neko kpɔ Kooro Jehoahas nime Eliakim chiɡ o dɔɔ naa ta, o di kora Jerusalam ne Juda harɛ. Dɛ kpɔ Kooro Jehoahas kaa Ijipt harɛ ta, dɛ charɛ Kooro Eliakim sɔn la, dɛ pao Jehoiakim.

2 Webena 36:5

Kooro Jehoiakim di bene fifraanɛ dɛ anue mɔɔ dɛ di kora Juda harɛ ta. O soɡe Jerusalam di kora bene fi dɛ beŋkpoŋ. O ɛ wechɔɡa dɛ jo Korowii waa dɛ tomɔ nɛ.

Aesaya 5:8

Hé bwɛɛlɛ, he banɔ la haa yawɛ deremi dɛɛ ja deremi ta, dɛ berɛ yawɛ kooni dɛɛ ja kooni ta, dɛ ka tel kɛŋɔ bɔr aa wola lee do tɛ he bala, asɛ he ɡbo lɛ harɛ dɔɔh dɛ so.

Jeremia 17:11

Nɛn waa dɛ nyin suuɡa sibeɡra ne la, o do kɛŋɔ jal waa tee hala aa wola o kwaa ɛɛ. Naate soɡa bini tama la, wɛɛ paŋɛ o kondɔɔh laanee, ásɛ a habɔɔ ó na kɛ o ɛ ɡɛnewa.

Mmarare 15:13

Dɛ he tɛo ŋwɛnɛ aa, bɛ ɡel o kaa pɛɛpɛɛ.

Job Tɔn 31:39

dɛ n di harɛ la ta kondikwa n ta a kem bɔe, dɛ ɡel harɛ la tena bambile chɔɡ aa,

Habakuk 2:12

Nomɛlbwa waa cheɡɛ nɛŋkpoa kɛɛ wechɔɡa ta dɛ vɔrɔwe bwɛjen la, ó bwɛɛlɛ.