Jeremia 22:11 - mzwDBL

¹¹ Waa Korowii aa bol Kooro Josia bibaa Salum waa baa chiɡ o mɛɛ naa ta dɛ di kora Juda harɛ, dɛ berɛ le koodem bonɔ kaa laanee nɔ. ‘O le bonɔ kaa, waa berɛ ba kpa.

Jeremia 22:11 Referans Kwoze

1 Webena 3:15

Josia dɔ bibaala banaarɛ, banee, Johanan ne Jehoiakim ne Sedekia dɛ Salum.

2 Koranar 23:34

Ijipt Kooro Neko kpɔ Kooro Josia bibaa Eliakim chiɡ o mɛɛ naa ta, o di kora Juda harɛ. Kooro Neko charɛ Eliakim sɔn la dɛ pao Jehoiakim. Dɛ kpɔ Kooro Jehoahas kaa Ijipt harɛ ta, asɛ o ka sewɛ bela.

2 Webena 34:22

Anee sɔfo Hilkia ne Ahikam ne Akbɔ ne Safan, dɛ Asaya la Korowii keame bɛl waa ɛ haah baa yerɔ Hulda be, dɛ ka bɔɔ le o be. Dɛ Korowii keame Hulda soɡe Jerusalam bampera bofale. O jaaree Tikva bibaa Salum, asɛ o nabaa sɔne Haahas. Onee dɛɛ nyiŋi Korowii Dea batakaarere ta.

2 Webena 28:12

Belaa Israel nomonome la bane baa ɛ Jehohanan bibaa Asaria, ne Mɛselɛmɔt bibaa Bɛrekea, ne Salum bibaa Jehiskia, dɛ Hadlai bibaa Amasa ir ka cheme nɛra baa le laa ta dɛɛ ba la.

2 Koranar 23:31

Kooro Jehoahas di bene fifraanɛ dɛ atoro mɔɔ dɛ di kora Juda harɛ ta. O soɡe Jerusalam di kora korobie atoro. Dɛ o nya sɔne Hamutal, o ɡe mɛɛ sɔne Jeremia, o le bwɛjen Lebna ta.

2 Koranar 23:30

Kooro Josia bonɔɔna kpɔ o chɔɔ la do torɔɡo bini, dɛ kpɔɔ kaa Jerusalam, dɛ ka huɡo o ɡbaɡba lalbɔɔ bini. Juda harɛ tena lawɛ Kooro Josia bibaa Jehoahas, dɛ fuɡe noo do o nyu ta, o chiɡ o mɛɛ naa ta, dɛ di kora.

Sefania 1:1

Waa Korowii aa kpɔa baɡle Sefania, ɡɛ saŋ Amɔn bibaa Josia aa di kora Juda harɛ ta laanee nɔ. Sefania mɛɛ sɔne Kusi, asɛ Kusi mɛɛ sɔne Gedalia, Gedalia mɛɛ sɔne Amaria, asɛ Amaria ɡe mɛɛ sɔne Hɛsɛkea.

2 Koranar 23:29

Gɛ saŋ Kooro Josia aa di kora la, Ijipt harɛ ta Kooro Neko kpɔ o laa tena ba Yufretis Moo ta ba cha Asiiria koojen. Kooro Josia kpɔ o laa tena ka pu Kooro Neko yo, asɛ Kooro Neko kpoo bwɛjen Meɡido.

Jeremia 22:27

Hɛɛ dɛɛ nyinu kɛ he berɛ ba he harɛ la ta, kɛ haa won ba o ta kpa.”