Jeremia 20:12 - mzwDBL

¹² Koranar Bwa Kooro, henee dɛɛ nyiŋi nɛn o wa aa toɡra bini, dɛ jemɛ waa aa lɔ o bambile ne o liire bini. Anomanta, ɡel n na kembɔr haa kpɔ tɛ n dɔma, dɛkalkɛ he nɔn taa n kpɔ n waa do.

Jeremia 20:12 Referans Kwoze

Jeremia 11:20

Ate, Jeremia soŋe ŋɔ, “Koranar Bwa Kooro haa dɛ pa bole aŋwɛnɛ ta dɛɛ nyiŋi ɡɛ nɛn liire ne o bambile aa doa, tɛr ba deŋne, dɛ́ bɔ ba kem, dɛkalkɛ he nɔn taa n kpɔ n waa do.

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Yela 54:7

Henee lɛɛ mɛ n wahala bwa ta, dɛ ɡel n na n dɔma chola.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Yela 59:10

Korowii maa dɛ tomɛ, he dɛ nyin n wa, hɛɛ ba n bee dɛ́ ɡel n na n dɔma chola.

Yela 139:23

N Naa Korowii, pese mɛ kɛrɛdɛ, dɛ́ jemɛ n liire, daah mɛ na, dɛ́ jemɛ n nyu bini.

Yela 7:9

N Naa Korowii, he waa toɡrɔ, he jemɛ nɛwɛnyini bambile bini, ne o liire bwa wa. Gel nyubinikpeɡ tena naɡrenyin waa bwa ba a jaɡa, dɛ́ ɡel nɛra ba wa aa toɡra do le.

Jeremia 17:18

Gel sihiih kpo nɛra baa cheɡɛ n nɛ, kɛ bɛ ɡel sihiih kpo mɛ. Gel ɔmee laɡ ba kohona, dɛ laa ɔmee kohona kpɔ n nɛ. Gel ba na he sibeɡra tɔpere la, dɛ́ chɔɡ ba, dɛ́ berɛ chɔɡ ba ja.”

Aesaya 37:14

Ate, Kooro Hɛsɛkea lɛ tɔn la dɛ kure, dɛ kpɔ la Korowii Dea, dɛ ka laa paɡri bil Korowii sie.

Yela 17:3

He jemɛ n bambile bini wa, he ba n be jwaana, dɛ nyiŋi n waa bini, dɛ pese mɛ kɛrɛdɛ, he ta wechɔɡa nae n nɛ, n ɛ n liire kɛ, wechɔɡa aa n nyoa le.

Yela 11:5

O dɛ pese nɛra ba wa aa toɡra, kɛ nyubinikpeɡ tena, ne naɡrenyin tena te, o hah ba o bambile bwa.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

1 Pita 4:19

Anomanta, he nɛra aa ɛ Korowii tetoora kɛ he na wahala la, hɛ́ɛ ɛ wedɛɛɡa, dɛ kpɔ he te do Korowii waa ta heyaa la nɔn ta. O waa dɔ kasinteŋ.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

Jeremia 12:8

N ɡbabir nɛra maa lee ba tɛ n te chwa mɛ, ba do kɛŋɔ nyujente waa lɔ kpɔɡ bini dɛɛ kɔr mɛ, anomanta, n hah ba.

Aesaya 38:14

N wio n taa do jeɡaa kɛŋɔ kweah aa dɛ si ken. N ha sie nyiŋi nyundua dɛ ba koh. N Naa Korowii, ba lɛɛ mɛ le n wenaale bwa maa dɛ na nɔ ta.

Yela 86:4

Tɛ men maa ɛ he bonɔɔ silɛɛ, dɛkalkɛ he siee n kpɔ n wesoŋa dɛɛ bil.

2 Webena 24:22

Kooro Joas soh ɡɛ Sekaria mɛɛ sɔfo Jehoiada aa chao la, dɛ ɡarɛ kpo Sekaria. Waa chɔa dɛɛ sewɛ la o ŋɔ, “N dɛ soŋe kɛ Korowii na waa haa ɛa nɔ, dɛ́ bɔe a kem!”

1 Samoɛl 1:15

Belaa o chaŋe ŋɔ, “Nomoa, n ta dɛɛrɛ, maa sen nyɔ, n bambilee chɔɡa mɛɛ soŋe Korowii saŋ bɛlbwa, dɛ kpɔ n waa dɛɛ bil o sie.

Yela 58:10

Nɛra ba wa aa toɡra sie ɛɛ lɛo kɛŋɔ wechɔɡ-ɛɛra aa dɔ deŋnetɛra, baa valɛ ba chal taa.