Jeremia 2:3 - mzwDBL

³ Israel tena, he fa do ɡoroŋ tɛ men Korowii ɡbo, dɛ do kɛŋɔ koo kondikonloɡla baa koma ken, asɛ nɛra baa fiiɡi heyaa la, n kpɔ wenaale kohona ba ta ba nɛ. Men Korowiirii bola.’ ”

Jeremia 2:3 Referans Kwoze

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

Aesaya 41:11

Nɛra ba baah aa di he nɛɛ kohona la bwa, sihiih ɛɛ kpo baa ba baŋa ɡole. Nɛra baa ŋɔ bá yo heyaa la, ɛɛ serewoo dɛ́ tonɛ.

Tɔn Pɔɔl Aa Chwerɛ Rom Tena 11:16

Dɛ kon pera wer dɛ chɛ Korowii aa, dɛ o kar la bwa ɡe wer. Dɛ daa lune wer dɛ chɛ Korowii aa, dɛ o ne o kpala bwaa.

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

Jeremia 12:14

Anomanta, Korowii ŋɔ, “Harɛre nɛra ba nyu bini aa kpeɡa, ba so bar harɛ maa kpɔa tɛ n nɛra Israel tena ba ba chɔɡo la, mɛɛ le ba ne ba harɛre taa, kɛŋɔ ba yon fuɡri dua la ken, dɛ́ lɛ Juda tena le ba bini.

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

Nɛra Kura 18:12

Kondikonloɡla ane kɛŋɔ ɔleve noo aa wera ne senfala aa wera dɛ meloɡla baa kpɔa baa tɛ men Korowii laanee n kpɔ tɛ heya.

Tɔn Pɔɔl Aa Chwerɛ Rom Tena 16:5

N dɛ na asɔre tena baa cheme ba dem dɛɛ tomɛ Korowii la bwa. N dɛ na n chamenate Epaenitus waa tɔ sie yarada Yeesu Kristo waa nɔ Eesia harɛ ta bwa la.

Sekaria 1:15

kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.

Joel 1:3

Hé bola he bii be, ásɛ ba bola ba ɡe bii be, ba bii la ɡe bola ba naanar baa ka ba be.

Jeremia 30:16

Kɛ taraken, nomɛlbwa waa dɛ nyin he chɔɡa la mɛɛ chɔɡoo, ásɛ ba lawɛ he dɔma bwa kaa harɛfala ta. Nɛra baa dɛ fiiɡi heya la, baa fiiɡi ba ɡee, ba pa he laala kaa laa, baa pa ba ɡe laalaa.

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Mmarare 26:19

dɛ berɛ ŋɔ wɛɛ ɡɔɔ heyaa dɛ́ ɡel he sɔn le ɡwaa harɛre nɛra waa ta ba bwa. Dɛ berɛ ŋɔ wɛɛ ɡeloo he do ɡoroŋ tɛo, ɡɛ waa baɡɛ heyaa nyoa la.”

Kaala 23:16

Hé di Koo Kondikwaa Koma Tɔpejen la he koo kondikonloɡla ne. Hé di Koo Kondikwaa Nyoa Boara Tɔpejen la, benanyoa la aa ba kaa o jaɡa he yon boa he kooni kondikwaa bwa nyoa ba cheɡ dem la ta.

Kaala 22:29

Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Jeremia 2:4

Jekɔb naanar, hé no Korowii wa, Israel deene bwa, hé no.

Habakuk 1:11

Asɛ dɛ wur kaa kɛŋɔ peu yon ta dɛ kpɔ haahra kaa la. A ɡɛ nɛra nɔ, ba kpɔ ba te dawɛ ba bokpeɡa ta kɛŋɔ nɛn aa kpɔ sie dawɛ o voɡ ta la.”