Jeremia 2:19 - mzwDBL

¹⁹ Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Jeremia 2:19 Referans Kwoze

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Jeremia 4:18

Juda tena, he we-ɛɛla ne he liiree ɡela anɔ bwa ba he nɛ. Deŋnetɛra aa chɛ heyaa laanee. A dɛ we kɛrɛdɛ. Na ɡɛ aa jo he bini.”

Jeremia 2:17

Haa vɛh men Korowii haa dɛ tom mɛ, ɡɛ saŋ maa tɔ he sie kpɔ heyaa dɛɛ kaa la, a waa laa ɡɛ waa nɔ bwa ba he nɛɛ nɔ naa?

Yela 36:1

Korowii waa lɔ n bambile bini, dɛɛ baɡle nyubinikpeɡ tena wechɔɡa wa. Baa Korowii ɔmɛ, á ba ɛ kɛŋɔ baa duuruu.

Hosia 5:5

Israel tena mbarafo ɛ danseɛ kɛ ba di bolchɔɡe. Ba wechɔɡa ɡelɔ ba lɔ naa dɛ chole, Juda tena ɡe ja ba nɛɛ lɔ naa dɛ chole.

Emɔs 8:10

Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Jeremia 5:6

Anomanta, nyujente ɛɛ le kpɔɡ binii dɛ́ ba kpoo ba, ɡboli le pua hɛŋle ɡbo harɛ ta dɛ́ ba toɡri ba ola. Ásɛ noniete ba chɔ ba bwɛɛ dahare, dɛ́ toɡri nomɛlbwa waa le ola, dɛkalkɛ ba wechɔɡa kan, ba habɔɔ bera dɛ́ kpo Korowii ɡe ɡwaa.

Tɔn Pɔɔl Aa Chwerɛ Rom Tena 3:18

Baa Korowii ɡe ɔmɛ.”

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.

Hosia 14:1

Israel tena, hé berɛ ba Korowii haa dɛ tomɔ be. He wechɔɡa ɡelɔ he choɡli!

Jeremia 8:5

Bɔkwa waa bala nɛra nɔ berɛ habɔɔ kpo mɛ nɔɔ? Ɛrɛɛ saŋ bɛlbwa Jerusalam tena ɛɛ le habɔɔ nɔɔ? Ba sie ta dɛ lɛ waa aa ɛ nyosone ta, baa nyin kɛ bá berɛ ba n be.

Hosia 4:16

Israel tena deŋne kpeɡri, kɛŋɔ naneenanar a deŋne aa kpeɡa ken. Ɛrɛɛ men Korowii ɛɛ ba wona kpɔa la dibɔr kɛŋɔ baa teɡɛ pebiiri dɛɛ la dibɔr ɔ?

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Jeremia 3:22

Hé berɛ ba, he nɛra he wa aa wola kasinteŋ dɔe, dɛ berɛ habɔɔ kpo Korowii. Wɛɛ chah heyaa dɛ́ ɡel he waa berɛ dɔ kasinteŋ. He ŋɔ, “Ya sɛoh ŋɔ yaa berɔ ba Korowii be, dɛkalkɛ onee Korowii yaa dɛ tomɛ.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Aesaya 5:5

Mɛɛ ɡeloo he jemɛ ɡɛ maa dɛ ba daa la ɛɛ. Mɛɛ laa kwaa baa kpɔa keo laanee pa, ásɛ kwaa dia dɛ́ chɔɡa. Mɛɛ kuuɡi danjwɛɛ waa baro la ɡee, ásɛ kwaa tiɡra do harɛ.

Sɛɡla 5:22

Nɛnchɔɡe wechɔɡa do kɛŋɔ bel dɛ tɛo, o dichɔɡaa dɛɛ lawɔ.

Sɛɡla 1:31

Anomanta, hɛɛ dɔ ɡɛ haa dɛ nyinii, ásɛ he ɡbaɡba we-ɛɛla ɡure he nyu ta.

Sɛɡla 1:32

Gɛna dɛ sewɛ wejema baa vɛah wa, dɛkalkɛŋɔ ba kpɔ wejema dɛɛ ta habɔɔ, baa sie waa ta do.

Jeremia 5:24

He ta liire dɔe ŋwɛnɛ bɛlbwa ta kɛŋɔ he kpɔ duure tɛ mɛ. Menee ɡela bwaala loɡla ne yoo bwaala ɛɛ nɛ, he kondikwaare ɛɛ do wer, hɛɛ koma bena bɛlbwa.

Ɛsekeɛl 39:24

Ba wedoŋa ne wechɔɡa kohona nomanta, n laa sie kpɔ ba nɛ, dɛ ɡel ba dɔ deŋnetɛra ɡɛ aa chɛa.’ ”

Hosia 7:2

Baa lii kɛŋɔ n jemɛ ba wechɔɡa baa dɛ ɛ la bwa. Ba wechɔɡa ɡwaa ba nɛ, a bwa chɔ n sie.

Hosia 13:9

Israel tena, he serewɔ, dɛkalkɛ he ɛ wechɔɡa dɛ jo n nɛ.

Maeka 1:5

Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.

Kaala 33:6

Anomanta, Sinai Bwejen taa Israel tena tel dɛ laa suuɡaswɛm kwaa baa doa la foo bil.

Sitɔɔla 10:13

Kɛ he laa sie kpɔ n nɛɛ dɛ kaa tomɛ voɡa. Anomanta, maa heyaa lɛ kpa.

1 Koranar 18:18

Elaeja ŋɔ, “N laa ba waa ne Israel harɛ nɔ ta, he ne he mɛɛ dem nɛraa. Heyaa vɛh Korowii waa ta teŋa dɛ kaa teŋɛ voɡa Baalre nɛ.

2 Webena 12:5

Ate, Korowii keame Sɛmaya ba Kooro Rɛhoboam ne Juda nomonome baa kaa cheme Jerusalam la be, Kooro Sisak ɔma wa. Asɛ Korowii keame Sɛmaya ka ŋɔ ba be ŋɔ, “Waa Korowii aa dɛ bol laanee nɔ, ‘He vɛɛh mɛ, anomanta, taraken n ɡe vɛh heyaa tɛ Kooro Sisak.’ ”

2 Webena 21:10

Ba le fini, Edom harɛ tena pere ba te le Juda tena lɔɡa. Gɛɛ bwɛjen Lebna tena ɡe pere ba te ɡɛ saŋ, dɛkalkɛ Kooro Jehoram vɛh Korowii o naawa aa tomɔ la.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

Jeremia 1:16

Mɛɛ ba bol n nɛra waa dɛ́ tɛr ba deŋne, ba nyubinikpeɡ ne habɔɔ baa bera kpo mɛ la wa, ba fuh daawiile ɛ sarahare voɡare ane ta, dɛɛ tomɛ kwaa ba ɡbaɡba aa kpɔ nɔn ɛ.

Jeremia 7:19

Amɔ men Korowii baahnee baa muɡli ɡɛ nɔ naa? Akai, ba ɡbabirii dɛɛ do ba te sihiih.

Jeremia 13:22

Kɛ he berɔ ŋɔ, “Ɛrɛɛ ɡɛ waa nɔ pu yaa nɔɔ?” He wechɔɡa kohona waa he bwara laala kɛɛ, a ɡel he bwara ɛɛ nyɛɡ kohona la.

Ɛsekeɛl 23:30

ba anɔ bwa ne ba tɛɛ. Harɛre nɛra bwa bee he bɔ jwamane ka tel, dɛ teŋɛ ba voɡare nɛɛ dɛ kah doŋa.

Hosia 9:1

Hosia ŋɔ Israel tena be ŋɔ, “He bɛ ɡel he sie lɛ kɛŋɔ harɛre ane nɛra. Dɛkalkɛ he le Korowii haa dɛ tomɔ la habɔɔ. Mea pɛla bɛlbwa haa cheme o ta la, he sie dɛ lɛ jwamansuuɡa ta.