Jeremia 15:18 - mzwDBL

¹⁸ Ɛrɛɛ n bonyɛɡa aa wola tonɛ, asɛ ba do mɛ bol kohona, maa wola chaah dɔ nɔɔ? He do kɛŋɔ nenabɔɔ kɛɛ bule hwel saŋ, nee aa wola toole a ta tɛ mɛ kɛɛ?”

Jeremia 15:18 Referans Kwoze

Jeremia 30:15

He bɛ bola baa do he yaa la waa dɛɛ wi, baa won chah heya. He wechɔɡa ne he nyubinikpeɡ kan kohona, a waa n tɛr he deŋne.

Job Tɔn 34:6

A lole kɛ n waa toɡrɔ, kɛ ba dɛ lii mɛ nyosonteŋni, a lole kɛ n ta bolchɔɡe dii, Korowii do mɛ bol, asɛ mɛɛ ba sewa.’

Maeka 1:9

Baa do Samaria tena bolaa baa wola won chah, Juda tena ɡe dɛ ba a dɔŋa nae. A tel bwɛjen Jerusalam doonyojen tenten bela n nɛra aa soɡa.”

Jeremia 30:12

Korowii berɔ bol waa o nɛra be ŋɔ, “He ŋwɛra aa won tonɛ, he bola haa dɔa bwa ɡe haa chaeh dɔ.

Jeremia 20:7

N Naa Korowii, he neɡ mɛ, asɛ n teŋɛ he nɛ. He pɔ n nɛ, dɛkalkɛ he kpeɡri ɡwaa mɛ. Nɛra dɛ muɡli n baah, tɔpebir bwaa baa mam mɛ.

Jeremia 14:19

Nɛra la bɔɔrɔ ŋɔ, “N Naa Korowii, he deno vɛh Juda tena kwaraa kɛɛ? He hah Saayɔn tena ɡe aa? Ɛrɛɛ he do yaa bola yaa wola won dɔ chaeh nɔɔ? Ya fe dɔ hwɛɡa kɛŋɔ yaa dɔ deŋnesɔɔhnaa, kɛ yaa wedɛɛɡa bɛlbwa na, dɛɛ nyiŋi kɛŋɔ ya dɔ chaeh saŋ bɛl, kɛ waa aa do ɔma kohona ɡboo yaa na.

Jeremia 14:3

Nomonjena tomɛ ba bonɔɔna ŋɔ bá ka nyin ne. Ba la kwaa aa won nee lɛɛ ta ba ta nee nae. Ba kpɔ ba polviine berɛ ba pɛɛ, ba bambile chɔɡɔ ba hwɛɡa ta pɛɛ, dɛ kpɔ kwaa bɔle nyuune, a baɡle kɛŋɔ ba loo kuu.

Yela 6:3

N bwadabii bwa dɛ wee mɛ taeh. N Naa Korowii, saŋ besoo he ba cha mɛ nɔ?

Maeka 1:14

Juda harɛ tena, hé kal Mɔresɛt Gat tena dɛ́ le bwɛɛ la ta, Israel koranar aa chae bɛlbwaa dɔ le Aksib tena be.

Job Tɔn 14:11

Gɛ neerare yon ɡel pala, ásɛ nenabɔɔne hweeh dɛ́ hol la,

Jeremia 20:18

Bɔkwa waa ɡela ba lol mɛ te nɔ? Ń ba na wenaale dɛɛ di suna, ásɛ sihiih kpo mɛ n soɡa bini bwa waa kɛɛ?