Jeremia 15:10 - mzwDBL

¹⁰ Asɛ men Jeremia ŋɔ, “Akwe, n nya, n na waa kɛ haa lol mɛ, harɛ nɔ nɛra bwa hah mɛ dɛɛ yoo mɛ. N ta bɛl kon kemɛ kɛɛ dɛ kemɛ le bɛl be, kɛ nɛra bwa ɡarɔ dɛɛ taah mɛ.”

Jeremia 15:10 Referans Kwoze

Amanesoma Luk Aa Chwera Tɔn 6:22

Dɛ nɛra koh Men Nɛn Bie nɔ waa dɛ hah heya, dɛ vɛh heya, dɛ chɛɡre heya, dɛ yerɛ he sɔnchɔɡe aa, he na som.

Kaala 22:25

A hiah n nɛra baa ɛ he bini bane nɔ bɛlbwa he kemɔ suuɡa aa, he bɛ a nee kpɔ dawɛ kɛŋɔ nɛra baa dɛ kemɛ suuɡa yon dɛɛ ɛ la.

Amanesoma Luk Aa Chwera Tɔn 2:34

Simeon soŋe andɛɛɡa tɛ Yeesu nya ne o mɛɛ, dɛ ŋɔ o nya be ŋɔ, “Hé no waa nɔ! Bie nɔ cheɡɔ tɛ Israel tena bane kwaara ne bane chɔɡa. Wɛɛ berɔɔ che tɛ Korowii, ásɛ nɛra bol waa yaɡɔ,

Matiu 24:9

Ásɛ mɔɔ ba ta lawɛ heyaa tɛ nɛra, ba ɛ heyaa hɔhɔrɔwa dɛ́ kpoo heya. Nomɛlbwa ɛɛ koh n waa hah heya.

Matiu 5:44

Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

Jeremia 15:20

Mɛɛ ɡeloo he do kpeɡri kɛŋɔ danjwɛkpeɡ tɛ nɛra nɔ, danjwɛkpeɡ tenten baa kpɔ ayaawa ɛo. Baa yoi kɛ baa won pɔ he nɛ, dɛkalkɛ n ja he nɛɛ dɛ́ lɛɛ. Men Korowiirii bola.

Sɛɡla 26:2

Nyotaahna aa wola hen chɛɛ la, do kɛŋɔ jumbii aa dɛ ɡah aa wola daa ta joŋi la ken.

Yela 109:28

Baa taah mɛɛ, kɛ hɛɛ swee mɛ andɛɛɡaa. Ba dɛ yoo mɛ naa, hɛɛ ɡeloo sihiih kpo ba, ásɛ men maa ɛ he bonɔɔ nɔ sie lɛ.

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

1 Koranar 22:8

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

Lewi Dea Tena 25:36

Hɛɛ berɛ a nee bɛlbwa kpɔe dɛ́ chɔŋɛ a ta, he ɔmɛ Korowii ásɛ o won so he baah ta.

We-ɛɛla 28:22

Yaa no he nyoa wobolee, dɛkalkɛŋɔ ya jemɔ kɛŋɔ he ŋwɛnɛfale nɔ haa kpɔ o ta dɛɛ tomɛ Korowii nɔ te, baa o waa nyin bobɛlbwa.”

Lewi Dea Tena 25:37

Suuɡa bɛlbwa haa kemɔ la, hɛɛ berɛ a nee bɛlbwa kpɔe dɛ́ chɔŋɛ a ta, ɡɛɛ aa wola chɛɛ kɛŋɔ hé kpɔ yoɡ dawɛ kondikwaa haa yoɡ tɛo ta.

Yela 69:4

Nɛra baa hah mɛ pɛɛ warɔ ɡwaa n nyumpona. N dɔma teŋe nyosone dɛɛ dawɛ n nɛ, ba bwara kpeɡri baa nyin mɛ dɛ́ kpo, ba ɡelɔ n berɛ bɔ kwaa maa wola ŋwɛɛ kem tɛɛ ba.

Habakuk 1:3

Ɛrɛɛ he ɡel mɛɛ na we-ɛɛla aa wola toɡrɛ ɡbo nɔɔ? Ɛrɛɛ he laa sie kpɔ nɛra nɛɛ baa ɛ wechɔɡa nɔɔ? Kwaa chɔɡa ne naɡrenyin we-ɛɛlaa chɔ n sie. Yoi ne nyopɛo bɛ dɔe bar mɛ cheme.