Jeremia 14:17 - mzwDBL

¹⁷ Korowii do mɛ ŋɔ, ń bol n suna maa dɛ di waa ba be ŋɔ, “Siniire dɛ yɔɔ mɛ chɔɔ ne jwaana bwa aa wola tonɛ, n nɛra maa dɛ nyin ba, kɛŋɔ bitolo waa wola baa bɛlbwa jemɛ, ba doo bol kohona la wa.

Jeremia 14:17 Referans Kwoze

Jeremia 8:21

Asɛ Jeremia ŋɔ, “Lokua su n bwa, dɛkalkɛ ba chɔɡ n nɛra. N dɛ wi, n bwara yɔr kohona.

Wiile 2:13

Akwe! Ee, Jerusalam maa dɛ nyini kohona, ɛrɛɛ ń bol he waɔ? Ɛrɛɛ mɛɛ ba wona larawe he bwara ɔ? Nomɛlbwa ta he wenaale nɔ dɔŋa nae bwa. He wenaale nɔ bini luŋri kɛŋɔ mpo vil ken, he ta hwɛɡa bɛlbwa dɔe.

Jeremia 13:17

Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

Maeka 6:13

Anomanta, n pa mun dɛ́ chɔɡ heya, he wechɔɡa haa ɛa la wa.

Wiile 2:18

Bwɛjen Jerusalam, wi yerɛ Korowii. He danjwɛɛre do kɛŋɔ nɛn o lole bɛl aa sewa wɛɛ wiu ken. Gel siniire ɛɛ yɔɔre chɔɔ ne jwaana kɛŋɔ nenapale, bɛ suna dii ne wii ɡel.

Jeremia 10:19

Jerusalam tena dɛ dooɡe lɔŋɔre ŋɔ, “Ya na wa, bola baa do yaa wa! Yaa won chah ya ŋwɛra! Ya liiro kɛ yaa koh ya weela taa, kɛ yaa le a nyoa.

Aesaya 37:22

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

Yela 39:10

Bɛ n deŋne tɛr kpa! He deŋnetɛra la ɡwaa n nɛ.

Emɔs 5:2

‘Israel harɛ waa do kɛŋɔ bitolo waa wola baa jemɛ la paɡrɔ waa wola werii do kpa, harɛ la chɔ pɛɛ nomɛlbwa toole dɛ́ kwaa vɔrɔwo.’ ”

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

Jeremia 8:18

N bambile chɔɡɔ kohona, asɛ n loo ku.

2 Koranar 19:21

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

Jeremia 9:18

Anee nɛra la ŋɔ, “Hé ɡel ba ba warane, dɛ́ ba taa wiile tɛ yaa, ka tel kɛŋɔ siniire aa su ya sibie dɛɛ yɔɔ yaa.

Jeremia 18:13

Anomanta, waa Korowii aa dɛ bol laanee nɔ. “Bɔɔ harɛre nɛra ŋɔ, ‘Umee no waa nɔ dɔŋa kaɔ? Israel tena fe ɛ nɛndɛɛɡa, kɛ ba ɛ wedoŋa ne waa aa wola were kohona.

Wiile 2:11

N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.