Biblia Todo Logo
Bib sou entènèt

- Piblisite -




Jeremia 13:13 - mzwDBL

13 Ásɛ he berɛ ŋɔ ba be ŋɔ men Korowii dɛ ba ɡela nɛra baa soɡe harɛ la ta dɛɛ, kɛŋɔ baa nyɔ sen ken. Hale koranar baa ɛ Kooro Devid naanar, ne sɔfore ne n keamere, dɛ banɔ la baa soɡe Jerusalam bwa jao.

Gade chapit la Kopi




Jeremia 13:13
14 Referans Kwoze  

Bandia nee n tiɡri harɛre nɛra bwa nɛ, dɛ fuɡe ba chal ta harɛ.”


Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.


Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.


He ɡelɔ he nɛra na wahala kohona, ya valɛ dɛɛ yɛɛɡe kɛŋɔ yaa nyɔ sen dɛ dɛɛ ken.


Jirima he fe aa dɔ la ɛɛ berɛ sihiih. He saŋ telo name, hé nyɔ dɛ́ chɔ mumɡbal! Korowii ɛɛ ɡeloo he ɡbaɡba nyɔ o danana nee aa su numol, ásɛ ncho dii tɔ jirima he fe aa dɔ la ta.


Babelɔn fa do kɛŋɔ suuɡaswɛm numol, dɛ do men Korowii nɔn ta, dɛ ɡel harɛre nɛra bwa nyɔ o bini sen, dɛ dɛɛ dɛ bwa ɛɛ we choɡla.


Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa.


Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”


Mɛɛ ɡeloo o koranar ne nomonome, ne wejerema dɛ laa tena, nyɔ sen dɛɛ. Baa chɔ domii baa wola won ir kpa. Men Koranar Bwa Kooro maa ɛ Kooro laanee bola.”


Hé no, Jerusalam tena, he waa sum. Hé dɛɛrɔ, kɛ he ta sen nyɔe.


Jerusalam tena nyoa ta kpoe yaa? He bwara ta yɔraa? He mwaalo ne, a ɡel he nyoŋe, he ta sen nyɔe kɛ dɛ ɡe dɛɛ, he dɛ yɛɛɡe, kɛ he ta seŋkpeɡa nyɔe.


Korowii ŋɔ n be ŋɔ, “Jeremia, ŋɔ Israel tena be ŋɔ sen loŋ bɛlbwa chɛ kɛŋɔ hé do sen o bini ó su. Baa chaŋo ŋɔ ba jemɔ kɛŋɔ sen loŋ bɛlbwa chɛ kɛ ó su sen.


Mɛɛ kpɔ wenaalee ba ta bwɛjen n ɡbabir sɔn aa dawɛ o ta. Ba dɛ lii kɛŋɔ ba tenee wola deŋnetɛraa dɔ aa? Akai, baa won le a nyoa, dɛkalkɛ n dɛ ba laa ne ba ta harɛ nɔ nɛra bwa nɛ. Men Koranar Bwa Kooroo bola.


Swiv nou:

Piblisite


Piblisite