Jeremia 13:11 - mzwDBL

¹¹ Gɛ ba yon kpɔ kiriso vɔwɛ chara la, ɡɛɛ n lawɛ Israel ne Juda tena vɔwɛ n te. Ásɛ ba fe ɛ n nɛra, dɛ́ kpɔ kpɛɛra ne duure tɛ mɛ. Kɛ ba vɛh n waa noe. Men Korowiirii bola.”

Jeremia 13:11 Referans Kwoze

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Aesaya 43:21

N ta ɡɛ nɛra nɔ bá ɛ n nɛra, dɛ́ ɡo yela dɛɛ kpɛɛ mɛ.”

Yela 81:11

Kɛ ane abwa, Israel tena aa n be no, baa n waa ta teŋɛ.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Jeremia 32:20

A saŋ la, he ɛ nyokpowaa Ijipt harɛ ta, he ta teŋɔ dɛɛ ɛa dɛ ba le fini. Israel ne harɛre nɛra bwa bini, a ɡel nomɛlbwa jemɛ he waa bobɛlbwa.

Jeremia 13:10

Gɛ nyubinikpeɡ tena nɔ vɛh n waa ta teŋa. Ba deŋne kpeɡri, ba nyu bini do kpeɡri kohona, asɛ dɛ kaa tomɛ harɛre ane voɡare. Anomanta, baa doo kɛŋɔ kiriso waa chɔɡa, waa wola ɛɛ doe kpa la ken.

Jeremia 7:26

Kɛ he ta deŋne cheɡɛ dɛ no n be. Hale he bambile berɔ do kpeɡri dɛ ɛ deŋnekpeɡ tena kohona ɡwaa he naawa.

Jeremia 6:17

Belaa men Korowii le nɛra baa dɛɛ daah heya dɛ ŋɔ, ‘Hé cheɡ deŋne dɛɛ no bɛla sii!’ Ate he ŋɔ, ‘Yaa ɡɛɛ sɛh.’

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Yela 147:20

O ta anɔ ɛɛ tɛ harɛ bɛlbwa nɛra, baa o Mmarare jemɛ. Hé kpɛɛ Korowii!

Yela 135:4

O le Jekɔb luɡe tena, Israel tena baa ɛ o ɡbaɡba nɛra la tɛ o te.

Mmarare 26:18

Fini Korowii sɛoh kɛŋɔ o ɡbaɡba nɛraa heya he waa ɛɛ su o siwi, ɡɛ waa baɡɛ heyaa nyoa wubwa la, dɛ ŋɔ hé teŋɛ o waa waa do heyaa a ta,

Mmarare 4:7

Harɛ besoo nɛraa lole dɛ dɔ sɔn kohona, dɛ dɔ voɡ o bɛn ba dɛɛ no ba be ɡɛ Korowii yaa dɛ tomɔ aa bɛne yaa dɛɛ no ya wesoŋa nɔɔ?

Amanesoma Luk Aa Chwera Tɔn 10:11

‘Hale ya pee he bwɛɛ nɔ teera aa ɛ ya napaala la ta, dɛ baɡle kɛŋɔ ya kpɔ Korowii Waa ba he be he vɛah. Kɛ a chɛ kɛ hé jemɛ kɛŋɔ Korowii Kora la pu heya.’

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Jeremia 13:1

Korowii berɔ bol men Jeremia be ŋɔ, “Ka yawɛ yapondɛɛɡe dɛ́ ɛo kiriso vɔwɛ he chara. Bɛ ɡel nee leɡo.”

Jeremia 13:12

Korowii ŋɔ n be ŋɔ, “Jeremia, ŋɔ Israel tena be ŋɔ sen loŋ bɛlbwa chɛ kɛŋɔ hé do sen o bini ó su. Baa chaŋo ŋɔ ba jemɔ kɛŋɔ sen loŋ bɛlbwa chɛ kɛ ó su sen.

Emɔs 3:1

Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.

Mmarare 26:19

dɛ berɛ ŋɔ wɛɛ ɡɔɔ heyaa dɛ́ ɡel he sɔn le ɡwaa harɛre nɛra waa ta ba bwa. Dɛ berɛ ŋɔ wɛɛ ɡeloo he do ɡoroŋ tɛo, ɡɛ waa baɡɛ heyaa nyoa la.”

Jeremia 19:15

“Koranar Bwa Kooro, Israel tena aa dɛ tomɔ la ŋɔ, ‘Hé no! N dɛ ba wenaale bwa maa ŋɔa ŋɔ mɛɛ kpɔɔ ba ta bwɛjen nɔ ne bwɛjeɡre bwa aa baro bwa nɛra nɛɛ la ne, dɛkalkɛ ba ɛ lwɛmkpeɡ tena dɛ vɛh n waa la noe.’ ”