Jeremia 11:5 - mzwDBL

⁵ Belaa n fe ɛɛ ba harɛ maa baɡɛ ba naawa nyoa ŋɔ o ɛ harɛpare ondɛɛɡe la kpɔe tɛɛ ba ó ɛ ba kon. Harɛ baa soɡe o ta fini nɔ.” Anee n chaŋe ŋɔ, “N Naa Korowii, á ɛ ɡɛ.”

Jeremia 11:5 Referans Kwoze

Jeremia 28:6

“Aamen! Kórowii ɛa ɡɛ! N dɛ hwɛɡɛ kɛŋɔ ó ɡel o waa haa bola la ɛ kasinteŋ, dɛ́ ɡel laala a yoɡ aa kpeɡa dɛ do Korowii Dea la ne nɛra baa laɡ ba kaa harɛfale ta la bwa, bá berɛ le a bwa ne Babelɔn ba bonɔ.

1 Kɔrent 14:16

Dɛ ɡɛ laa aa, he dɛ jam Korowii he lileo ne naa, ɛrɛɛ naate waa wola yarada dɛ ɛ nɛmpɛɛ la ɛɛ ba ɛɛ dɛ́ no a mun dɛ́ sɛh he nyoa ŋɔ “Aamen” dɛ́ teŋɛ waa haa jaamo a waa la ta nɔ? Waa won no waa haa dɛ bol la mun.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Mmarare 6:3

Israel tena, hé noa dɛ́ kaa teŋɛ a ta, ásɛ a do wer kɛrɛdɛ dɛ́ tɛ heya. Anee dɛ́ ɡel hé ya kohona harɛpare ondɛɛɡe ta, ɡɛ Korowii he naawa aa tomɔ aa baɡɛ heyaa nyoa la.

Lewi Dea Tena 20:24

N baɡɛ heyaa nyoa ŋɔ mɛɛ kpɔ ba harɛɛ tɛ heya hé so o ta o den ɛ he kon, harɛpare ondɛɛɡe. Menee Korowii haa dɛ tom mɛ n le heyaa korɛ harɛre nɛra bwa bini la.

Kaala 13:5

Dɛ Korowii baa kpɔ heyaa tel Keenan ne Hiti ne Amɔre ne Hivi, dɛ Jebus tena harɛ waa ŋwɛɛra baɡle he naawa ŋɔ wɛɛ kpɔɔ tɛ heya ó ɛ he kon la ta, harɛpare ondɛɛɡe ta naa, a chɛ kɛ hé di a ɡɛ tɔpere nɔ korobie nɔ ta. Dɛkalkɛ o ba he ne harɛ o taa soma ta.

Jeremia 32:22

He kpɔ harɛpare ondɛɛɡe waa do ken nɔ tɛɛ ba, ɡɛ he fa aa baɡɛ ba naawa nyoa la.

2 Webena 6:17

N Naa Korowii Israel tena aa dɛ tomɛ, ɡel wobɛlbwa haa baɡɛ n mɛɛ Kooro Devid waa ɛ he bonɔɔ nyoa la ɛ kpela.

Yela 105:8

Wɛɛ lii o fɔo la waa saŋ bɛlbwaa, o nyoa waa baɡɛ naanar kaɡboŋa baa ka ba la bwa.

Jeremia 19:12

Gɛɛ mɛɛ ba kpɔe ɛ bwɛjen nɔ ne o nɛra. Mɛɛ ɡeloo ó do kɛŋɔ Tɔfɛt la ken. Men Korowiirii bola.