Jeremia 11:22 - mzwDBL

²² Anomanta, Koranar Bwa Kooro ŋɔ, “Mɛɛ tɛr ba deŋnee. Baa kpoo ba bonɔɔna laa taa, lɔr kpo ba bibaala ne bihaahna ɡe ba serewe.

Jeremia 11:22 Referans Kwoze

Jeremia 18:21

Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Wiile 2:21

Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.

Jeremia 9:21

Seo do kɛŋɔ nɛnchɔɡe dɛ che ya tokorore ta jo ya deremi. Bechale serewɔ chɔ fɔɡbaahna, asɛ bonɔɔna ɡe serewe chɔ cheremibɔra.

Jeremia 21:14

Mɛɛ tɛr he deŋnee ɡɛ he we-ɛɛla aa doa. Mɛɛ ɡeloo nii le he kɔne bini dɛ́ fuh komɛlbwa aa lɔ a ta, Men Korowiirii bola.’ ”

Jeremia 44:13

Mɛɛ tɛr banɔ la baa lɔ Ijipt harɛ la deŋnee, ɡɛ maa kpɔ laa ne lɔr dɛ weechɔɡa chɔɡ Jerusalam tena la.

Jeremia 49:26

Awola tɔpere la, Damaskɔs bonɔɔna ɛɛ serewoo chɔ fɔɡbaahna, ásɛ ba kpoo o laa tena bwa. Men Koranar Bwa Kooroo bola.

Emɔs 4:10

N kpɔ weechɔɡa ba ta he nɛ, ɡɛ n fa aa ɛ Ijipt harɛ ta la. N kpoo he bonɔɔna laa ta, dɛ lawɛ he jaɡre kaa. Dɛ ɡel nɛra baa serewa chɔ sɔɔh kpo heya, bela haa soɡa, kɛ he ta berɛ ba n be.