Jeremia 11:13 - mzwDBL

¹³ Juda tena voɡare warɔ kɛŋɔ ba bwɛjena ken, asɛ kwaa baa dɛ fuh konsɔɔhsoma a ta dɛɛ tɛ ba sihihvoɡ Baal ɡe warɛ, kɛŋɔ Jerusalam fɔɡbaahna aa wara la.

Jeremia 11:13 Referans Kwoze

Jeremia 2:28

Leperaa voɡare he ɡbabir aa ɛa la dɔɔ? Dɛ waane pu heyaa aa, hé yera, dɛ aa won ba lɛ heya aa! Juda tena, he voɡare warɔ kɛŋɔ he bwɛjena.

2 Koranar 23:13

Kooro Josia chɔɡ saraha kwaa Kooro Solomɔn aa maa cheɡ Jerusalam wee leebɔr, ne Ɔlevere Bwejen weekaŋle harɛbɔr baa tomɛ voɡhaah Astɔrɛt, Sidon tena aa dɛ tomɛ, dɛ Moab tena voɡ Kemɔs, dɛ Amɔn tena voɡ Molɛk a bwa aa ɛ kii kwaa la.

Hosia 12:11

Ane a bwa, Gelead tena dɛ tomɛ voɡa. Banɔ la baa dɛ tomɛ voɡa la ɛɛ serewoo. Ba dɛ kpoo nabala dɛɛ ɛ saraha Gelɡal. Kwaa baa dɛ ɛ sarahare a ta la, ɛɛ chɔɡoo kɛŋɔ bwea aa dawɛ dɔŋa nɛɛ harɛ baa parɔ ta.”

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

Jeremia 19:5

Ba ma kwaa baa ɛ sarahare a ta tɛ voɡ Baal, dɛ fuh ba bibaala ɛ sarahare dɛɛ tɛo. N ta ban doe ŋɔ ba ɛ ɡɛ, a toole n liire ta kwaraa.

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Jeremia 3:24

Le ya bechale saŋee voɡare aa wola tɔnɔ bɛlbwa dɔe chɔɡ ya naawa toma baa ɛa, ba peera ne nae, ba bibaala ne bihaahna bwa.

Aesaya 2:8

Voɡa ɡboo ba harɛ la ta bwa. Kwaa ba ɡbabir aa ɛa laanee baa tomɛ. Ba dɛ ɡuŋi kwaa ba ɡbaɡba aa kpɔ nɔɔra ɛa.

Jeremia 11:17

Israel ne Juda tena fa do kɛŋɔ daa men Koranar Bwa Kooro aa dua, kɛ taraken n liiro kɛ ń kpɔ wahala ba ta ba nɛ. Ba wechɔɡa waa a ɡɛ waa nɔ ɡure ba nyu ta. Dɛkalkɛ ba ɛ wechɔɡa dɛ jo n nɛ, dɛ kaa fuh daawiile voɡ Baal ta dɛɛ muɡli n baah.”

Jeremia 19:4

Waa maa dɛ ba ba ɛɛ laanee la, dɛkalkɛ ba vɛɛh mɛ dɛ kpɔ harɛre ane voɡare ba su bonɔ bwa. Ba fuh saraha kwaa tɛ voɡare ba ɡbabir kɛɛ ba naawa, kɛɛ Juda koranar ɡba aa wola an jemɛ bwa. Dɛ kpoo nɛra baa wola wechɔɡa bɛlbwa ɛɛ, ba chale su bonɔ.

Jeremia 44:21

“He dɛ lii kɛŋɔ sarahare he ne he naawa ne koranar, nomonome ne nɛra baa lɔ harɛ la ta aa ɛa Juda bwɛɛre ta ne Jerusalam fɔɡbaahna la, Korowii aa a waa jemɛ, kɛɛ o soh a waa kɛɛ?

Jeremia 48:35

Moab harɛ taa mɛɛ ba nɛra baa dɛ ɛ sarahare deŋɡarere dor, dɛɛ fuh daawiile dɛɛ tɛ ba voɡare la kpoora. Men Korowiirii bola.

Ɛsekeɛl 16:24

he ta pwe, dɛ ma voɡ o do jaŋne chɔŋɛ o ta, o che fɔɡbaah nɛra bwa siwi ta.

Hosia 9:10

Korowii ŋɔ, “Gɛ saŋ maa na he Israel tena la, n sie lɛo kɛŋɔ maa na ɡrepo nɔna pua hɛŋle ɡbo harɛ ta ken. Maa na he naawa la, a do kɛŋɔ maa na fiɡ nɔnloɡle waa swɛɛra ken. Kɛ baa bera ka tomɛ voɡ Baal Bwejen Peɔ la, ba waa doŋo kɛ voɡ la ken.

2 Webena 28:25

O berɔ ɛ bɔr tɛ voɡtoroma Juda harɛ ta bwɛjena ne bwɛɛre ta, dɛ fuh daawiile dɛɛ tɛ harɛre ane voɡa. Anɔ ɡelɔ Korowii o naawa aa tomɔ la baah di o nɛɛ kɛrɛdɛ.

Jeremia 3:25

Ya di ncho dɛ chole harɛ, asɛ sihiih tɔ ya nɛ. Ya ne ya naawa ɛ wechɔɡa dɛ jo Korowii yaa dɛ tomɔ nɛ. Le ya bonɔɔne ne toli saŋ ba le fini, ya ta Korowii yaa dɛ tomɔ la waa noɛ.”

Jeremia 17:1

Korowii ŋɔ, “Juda tena, ba kpɔ buni chwerɛ he wechɔɡa dawɛ he bambili ta, dɛ kpɔ kwɛrboɔ dia ɡwine dawɛ nyeɡlare aa paaɡe saraha kwaa loŋkoni la ta.

Jeremia 18:15

Kɛ n nɛra te soh n wa. Ba fuh daawiile dɛɛ tɛ voɡa a wa aa wola tɔnɔ dɔe. Ba lɔ na, dɛ ɡel ŋwɛnɛbena la ta kpɔe, dɛ kaa kpɔ ŋwɛnɛfala baa wola a ta jemɛ ta.

Jeremia 44:5

Kɛ he ta deŋne cheɡɛ, á ba ɛ kɛŋɔ hɛɛ no ba bee. Haa nyin kɛ he ɡel wechɔɡa haa ɛa dɛ ɛ sarahare dɛɛ tɛ voɡare la.

Hosia 10:1

Israel tena fa do kɛŋɔ ɡrepo da, asɛ nɔna su o bwa. Ba kondɔɔh do kɛŋɔ ɡrepo nɔna ken, aa dɛ warɛ la, dɛ ba dɛ ɛ kwaa baa dɛ ɛ saraha a ta aa warɛ. Harɛ la dɛ ɛ kondikwaa kohona naa, ɡɛɛ ba ɡe ɛɛ paaɡe bwea aa wera kɛrɛdɛ dɛɛ duura.