Jeremia 11:12 - mzwDBL

¹² Juda bwɛɛre ne nɛra baa lɔ Jerusalam ɛɛ wiu yerɛ voɡa baa dɛ fuh konsɔɔhsoma a ta laanee, kɛ wekpeɡa la balaa, aa won cha ba.

Jeremia 11:12 Referans Kwoze

Jeremia 2:28

Leperaa voɡare he ɡbabir aa ɛa la dɔɔ? Dɛ waane pu heyaa aa, hé yera, dɛ aa won ba lɛ heya aa! Juda tena, he voɡare warɔ kɛŋɔ he bwɛjena.

Mmarare 32:37

Korowii ɛɛ bɔɔ o nɛraa ŋɔ, ‘Leperaa voɡjena haa kpɔ he hwɛɡa dawɛ a nɛɛ la dɔɔ?’

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

2 Webena 28:22

Kooro Ahas wenaale aa baa ɡwaa o nɛɛ bwa habɔɔ la, dɛ o ta teŋɔ ɛ wechɔɡa dɛɛ jo Korowii nɛɛ kohona.

Sitɔɔla 10:14

Waa pu heya aa, hé ka wi no voɡa haa lea cheɡ tɛ he te la, ásɛ a lɛ heya.”

Mmarare 32:38

Dɛ ŋɔ, ‘He fa kpoo kwaa aa do noo tɛa, dɛ tɛa sen a nyɔ. Hé ɡel a ba cha heyaa taraken nɔ, a chwa ba lɛ heya.’

Jeremia 44:8

Ɛrɛɛ hɛɛ do mɛ bandia, dɛɛ tomɛ voɡare dɛ ɛ sarahare dɛɛ tɛ voɡare aa lɔ Ijipt harɛ ta bonɔ haa baa so nɔɔ? He dɛ ɛ ɡɛ dɛ́ chɔɡ he te, ásɛ harɛre nɛra bwa ɛɛ nyiŋi he nyubaah, dɛ́ɛ taah heya kɛɛ?

Aesaya 46:7

Ba ɡɔɔro dɛ chwaa, dɛ choɡo cheɡ o chebɔr aa, dɛ o cheɡɔ, waa won tu nakpala. Ba yerɔ waa won sɛh. Waa won lɛɛ ba le ba wahala ɡe ta.

Jeremia 18:15

Kɛ n nɛra te soh n wa. Ba fuh daawiile dɛɛ tɛ voɡa a wa aa wola tɔnɔ dɔe. Ba lɔ na, dɛ ɡel ŋwɛnɛbena la ta kpɔe, dɛ kaa kpɔ ŋwɛnɛfala baa wola a ta jemɛ ta.