Jeremia 10:8 - mzwDBL

⁸ Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

Jeremia 10:8 Referans Kwoze

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Jeremia 10:14

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Habakuk 2:18

Bɔkwa tɔnɔɔ voɡ nɛwɛnyini aa kpɔ nɔn sɛoh la dɔɔ? O waa bwa ɛ nyosone. Nɛn waa kwaaro la dɔ yarada o ta. O dɛ kwaa voɡa aa wola won waa bol.

Aesaya 44:19

Ba bini bɛlbwa toole dɛɛ lii wa, bɛlbwa ta wejema dɔe dɛ́ no a mun dɛ́ ŋɔ, “Daa nɔ tentenee n mar, dɛ kpɔ o hɔla dɛɛ daa kondikwa, dɛ wɔɔ ol a ta dɛ chwe. O pera chɛ kɛŋɔ ń kpɔ ɛ kii kon aa? A chɛ kɛŋɔ ń ɡuŋi dakpul aa?”

Aesaya 41:29

Na, a bwa ɛ neɡra! A we-ɛɛla bwa ɛ pɛɛpɛɛ. A do kɛŋɔ peu ken, komɛlbwa toole a be.”

Yela 135:18

Nɛra baa kwaara ne nɛra baa kpɔ ba te dawɛ a nɛɛ bwa beŋkpoŋ.

Yela 115:8

Nɛra baa kwaara ne nɛra baa kpɔ ba te dawɛ a nɛɛ bwa ɛɛ ɛ beŋkpoŋii.

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Jeremia 2:27

He dɛ yerɛ daa, ‘N dɔɔ,’ dɛ ŋɔ bwe ɡe be ŋɔ, ‘Henee lol mɛ.’ He berɛ habɔɔ kpo mɛ, kɛ dɛ waane baa puu heyaa tenaa he yon ŋɔ, ‘Korowii, ba dɛ́ ba lɛ yaa!’

Hosia 4:12

Daa baa teŋa ɛ voɡa taa baa la dɛ kaa bɔɔ ba nyuune wa, ásɛ daa la ɛɛ bol waa ba be. Ba laa ba te kpɔ men Korowii baa dɛ tom mɛ nɛ, kɛŋɔ hanjwamane dɛ kaa tomɛ voɡa ane.

Aesaya 44:18

Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Jeremia 3:9

Aa wola Juda hae kɛ Israel waa waa ɛa ɛ wechɔɡa la, o bɔ jwamane dɛ kpɔ doŋa kah harɛ la, dɛ berɛ kaa tomɛ voɡare baa kpɔ daa ne bwea ɛa.

Jeremia 5:4

Ate, n berɛ lii ŋɔ, “Ba ɛ nyaara ɡbo baa wola jemɛ, ba ɛ ɡɛna, dɛkalkɛ baa waa Korowii baa dɛ tomɔ aa dɛ nyin jemɛ.

Jona 2:8

Nɛra baa daŋre voɡsale toma ne, ba siwi ɛɛ sua la, ba paŋɛ chae he fe aa cha ba la.