Jems 4:4 - mzwDBL

⁴ He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

Jems 4:4 Referans Kwoze

Tɔn Pɔɔl Aa Chwerɛ Rom Tena 8:7

Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

Galaasia 1:10

Maa ŋɔ ken nɔ, dɛ nɛwɛnyini bee mɛɛ nyin sɔn kɛɛ Korowii be nɔ? Maa sɔn nyin nɛwɛnyini be, Korowii bee mɛɛ nyin sɔn. Dɛ nɛwɛnyini bee mɛɛ nyin sɔn te naa, n fe ta Yeesu Kristo bonɔɔ ɛɛ.

Amanesoma Jɔn Aa Chwera Tɔn 15:19

Dɛ he fe ɛ ba bini bane aa, ba fe ɛɛ nyin heyaa. Kɛ maa le heyaa le ba bini he ɛ n nɛra la waa ba hah heyaa la.

Matiu 6:24

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.

Amanesoma Jɔn Aa Chwera Tɔn 17:14

Maa bol he Amanesoma la baɡ ba la, a ɡelɔ ba ta nɛra baa dɔ harɛ nɔ ta ɡbo liire nɛɛ jae kpa, ɡɛ maa wola ba nɛɛ jae la. Anomanta, ba hah ba.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

Tɔn Pɔɔl Aa Chwerɛ Rom Tena 5:10

Dɛ ya ne Korowii fa dɔmɔ, asɛ o che o Bie Yeesu seo la ta dɛ ɡel ya ne o pɛ aa, ya ne Korowii aa pɛa taraken nɔ, a te ta kwaraa laa wɛɛ ba o Bie Yeesu seo ta ira, ne o le doe nɔ waa koeh dɛ́ lɛ yaa aa?

Matiu 16:4

Fini nɛra haa ɛ wechɔɡ-ɛɛra ɡbo haa wola Korowii ɔmɛ nɔ, heyaa ŋɔa ń ɛ nyokpowaa he na naa? Maa wobɛlbwaa ɛ hé na. Waa aa pu Korowii keame Jona la dɔŋa ɡboo dɛɛ ba n ɡe pui, ásɛ he che a ta dɛ́ jemɛ n nɛnsoo.” Anomanta, o ɡel ba bela dɛ kaa.

Hosia 3:1

Korowii ŋɔ men Hosia be ŋɔ, “Berɛ la he haah be, á baɡle kɛ he dɛ nyinu. A lole kɛŋɔ baa bɛl dɛ nyinu te, kɛ bɛ an dawɛ. Nyinu ɡɛ men Korowii aa dɛ nyin Israel tena baa berɛ habɔɔ kpo mɛ, dɛ kpɔ daa nɔna aa hola kaa tɛ voɡa n ɡarɛ dɛɛ nyin ba la.”

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.

Yela 73:27

Nɛra baa berɛ habɔɔ kpoe la bwa ɛɛ serewoo, ɡɛɛ nɛra baa wola he waa ta teŋɛ la, hɛɛ ba ɡela ba ɡe serewe.

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Matiu 12:39

Anee Yeesu chaŋ ba ŋɔ, “Ɛrɛɛ fini nɛra ɛ wechɔɡ-ɛɛra ɡbo baa wola Korowii ɔmɛ ɡɛ nɔɔ? Maa wobɛlbwaa ɛ hé na, nemenɛ waa aa pu Korowii keame Jona la dɔŋ ɡboo dɛɛ ba n ɡe pui, ásɛ he che a ta jemɛ n nɛnsoo.

Yela 21:8

Kooro ɛɛ kpɔ o nɔnee dawɛ o dɔma bwa nɛ, wɛɛ lawɛ nomɛlbwa waa haoh laanee.

Jeremia 9:2

N dɛ nyin kɛ n fe aa dɔ bobɛl ka so pua hɛŋle ɡbo harɛ ta, dɛ́ le bela n nɛra aa lole. Ba bwa waa ta kasinteŋ dɔe, dɛ ɛ nɛnchɔɡa ɡbosoroo.

Aesaya 57:3

Kɛ heya, sɔmmɔra bii, nɛra baa dɛ chɔɡ yal ne jwamane tena bii, hé ba bonɔ!

Yela 50:18

He na ŋwɛɛ bɛlbwa naa, he kpɔɔ dɛɛ berɛ he dam, he ne nɛra baa dɛ bɔ jwamanee dɛɛ valɛ.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Ɛsekeɛl 16:32

He do kɛ haah waa le o jaa habɔɔ. He dɛ nyin hɔɔhra ɡwaa he jaa.

1 Kɔrent 1:20

A ba ɡɛ naa, dɛ lee wejerema ne tɔnjerema wejema dɔɔ jaɔ? Nɛra baa dɔ wobol wejema ɡe, dɛ lee ba dɔɔ? Korowii ɡelɔ nɛwɛnyini wejema ɛ pɛɛpɛɛ.

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.