Jems 2:19 - mzwDBL

¹⁹ He dɛ yarada kɛŋɔ Korowii beŋkpoŋii lole naa? A wer ɡa! Kɛ he ne Bɔnsam toromaa soɡe dabeŋkpoŋ ta. Ba ɡba dɛ yarada Korowii ɔmee ne bochela ne.

Jems 2:19 Referans Kwoze

Amanesoma Luk Aa Chwera Tɔn 4:34

“Aa! Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ waa ŋɔa ŋɔ o dɛ ba bala la.”

Amanesoma Mak Aa Chwera Tɔn 1:24

“Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ la waa ŋɔa ŋɔ o dɛ ba bala la.”

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

We-ɛɛla 16:17

A ɡɛ bitolo la do lɔŋɔre teŋɛ ya ne Pɔɔl nɛɛ dɛɛ ŋɔ, “Nemenɛ Korowii tomɛ nɛra nɔ he be la! Waa haa ɛ ásɛ Korowii lɛ heyaa laanee baa bol la!”

Mmarare 6:4

Israel tena, hé no. Korowii yaa dɛ tomɔ habɔɔ, Dɔɔ bɛlbwa toole kpa.

Galaasia 3:20

Korowii aa baɡɛ nyoa la ɡe la, o ɡbo waa, nɛmbeŋkpoŋ waa ta keame hiaih.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

We-ɛɛla 19:15

Awola bɛl, baa ŋɔa ba kpɔ Yeesu sɔn doŋi kwaa nomɛl nɛɛ la, a ɡelɔ o ŋɔ ba be ŋɔ, “N jemɛ Yeesu, dɛ jemɛ Pɔɔl ɡe. Asɛ he ɡe, heyaa bamewaɔ?”

Amanesoma Mak Aa Chwera Tɔn 5:7

dɛ kpɔ takpeɡ ŋɔ, “Yeesu, Nemenɛ Korowii Bie, bɔkwaa hɛɛ nyin n be nɔ? N kpɔ Korowii dɛɛ soŋe, bɛ men weweele do.”

Sekaria 14:9

Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.

Aesaya 46:9

Hé lii waa aa chiɡa saŋ la. N ɡboo Korowii, n dɔŋ toole.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 43:10

Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

1 Timoti 2:5

Anee kɛ Korowii beŋkpoŋii lole, dɛ dɔ nachiɡe beŋkpoŋ do o ne nɛwɛnyini baah ta, o ɡe ɛ nɛn. Onee Yeesu Kristo

Amanesoma Mak Aa Chwera Tɔn 12:29

Asɛ Yeesu ŋɔ, “A bwa bini onjen laanee nɔ, ‘Israel tena, hé no. N Naa Korowii nɔ habɔɔ Dɔɔ bɛlbwa toole kpa.

1 Kɔrent 8:6

Kɛ ya te be, Korowii lɔ beŋkpoŋ. Onee N Naa Korowii waa ta komɛlbwa, asɛ ya do le dɛɛ tomɔ la. Ya Dɔɔ ɡe lɔ beŋkpoŋ. Onee ya Dɔɔ Yeesu Kristo. O nɛɛ Korowii che dɛ ta komɛlbwa, asɛ ya ɡe che o nɛɛ dɛ dɔ mkpa.

Aesaya 45:6

N ɛ ɡɛ, ásɛ le wee leebɔr kaa o cholibɔr, nomɛlbwa jemɛ kɛŋɔ menee Korowii. N habɔɔ, Dɔɔ bɛlbwa toole kpa, nemenɛ n ɡbo.

Tɔn Pɔɔl Aa Chwerɛ Rom Tena 3:30

Korowii beŋkpoŋ ɡboo lole. Yeesu Kristo yaradae taa aa ba cheɡa ó ɡel Juu tena ɛ nɛndɛɛɡa ba waa su o siwi. O yaradae taa aa ba cheɡa ó ɡel nɛra baa wola Juu tena ɛɛ ɡe ɛ nɛndɛɛɡa ba waa su o siwi.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Tɔn Jud Aa Chwera 1:6

Nyundua toroma ɡe aa wola ɡelɛ bela Korowii aa tɛɛ ba ŋɔ bá di kpeɡri maɡre ba ne, dɛ́ le ba dobɔr la, ó tɔ ba do biro ta, dɛ́ do ba jɔɡrɔre waa wola ban foo ta bwa, dɛ́ ka tel kɛŋɔ o tɔpejen waa dɛ ba nɛra waa bola dɛ́ pa bole la.

Jems 2:8

Dɛ he dɛ teŋɛ Korowii Kora Mmara baa chwera ŋɔ, “Nyin he dɔŋ kɛ he te ɡbaɡba la” ta naa, dɛ he dɛ ɛ kɛrɛdɛ.

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Wepila 20:10

Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.

Amanesoma Mak Aa Chwera Tɔn 7:9

Yeesu berɔ ŋɔ ba be ja ŋɔ, “Hé na ɡɛ haa vɛh Korowii waa la bil dɛ lawɛ he saŋ la waa bini!

We-ɛɛla 24:25

Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.”

Jona 4:4

Belaa Korowii ŋɔ, “He ɡe dɔ ŋwɛnɛ kɛŋɔ he baah di waa nɔ ta naa?”

Jona 4:9

Anee Korowii ŋɔ Jona be ŋɔ, “He dɔ ŋwɛnɛ kɛŋɔ he baah di juɡ nɔ wa aa?” Ate, Jona ŋɔ, “Ɔɔh. N baah diu kohona kɛŋɔ n sewɛ kwara.”