Jems 2:17 - mzwDBL

¹⁷ Gɛɛ a do yarada ta kɛŋɔ dɛ nɛn ta wedɛɛɡa ɛɛ dɛɛ ja o yarada ta naa, dɛ o yarada la ɛ wepuu.

Jems 2:17 Referans Kwoze

Jems 2:26

Anomanta, ɡɛ nɛn ta hweera dɔe yaa dɛ o sewɔ la, ɡɛɛ yarada wedɛɛɡa ɛɛ aa wola a ta jae la ɛ yaradapuu.

Jems 2:14

Yabala, dɛ nomɛl ŋɔ o dɛ yarada Korowii, dɛ o ta o yarada kpɔe dɛɛ ɛ wedɛɛɡa aa, tɔnɔ besoo o yarada la dɔɔ? A ɡɛ yarada nɔ ɛɛ wonoo lɛo wa aa?

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Kɔrent 13:13

Anomanta, webele atoroo lole, yarada, hwɛɡa ne nɛnnyin. Kɛ nɛnnyinii ɡwaa a bwa.

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

1 Kɔrent 13:3

Dɛ n wono kpɔ n komɛlbwa kɛ nyaara ba lɛ di, asɛ n berɛ koh Yeesu waa la waa dɛ sɛh ŋɔ mɛɛ ɡeloo bá kpɔ nii fuuh mɛ, dɛ maa nɛn nyin aa, dɛ a ɛ pɛɛpɛɛ.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.