Jems 1:4 - mzwDBL

⁴ Hé dɔ bambile wobɛlbwa ta dɛ́ ka tonɛ, ásɛ dɛ won che a ta dɛ́ jemɛ wa, dɛ́ dɔ dadɛɛɡe, ásɛ wobɛlbwa bɛ heyaa nya harɛ nɔ ta.

Jems 1:4 Referans Kwoze

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

Amanesoma Luk Aa Chwera Tɔn 21:19

He lawɛ bambile aa, hɛɛ dɔ he nyuu.”

Matiu 5:48

A chɛ kɛŋɔ hé we-ɛɛla bwa do kaih, ɡɛ he Mɛɛ waa lɔ nyundua la waa aa do kaih la.”

2 Timoti 3:17

Anee dɛ won cha Korowii nɛn ó won ɛ wedɛɛɡa bwa ka tonɛ.

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

Galaasia 6:9

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

Yela 40:1

N wio no Korowii, dɛ lawɛ bambile dɛɛ kpao, asɛ o na n sum, dɛ no n wii.

Yela 37:7

Hé lawɛ bambile, dɛɛ kpa Korowii, dɛ nyubinikpeɡ tena waa wer dɛɛ tɛɛ ba aa, he bɛ ɡel a we he nɛ kɛŋɔ aa chiɡ ba kɛrɛdɛɛ.

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Job Tɔn 17:9

Kɛ ane a bwa, nɛra ba wa aa toɡra la ɛɛ teŋɔɔ dɛ́ do ɡɛ dɛɛ la, dɛ́ teŋɛ dɔ bokpeɡa saŋ bɛlbwa.

Sɛɡla 4:8

Duu wejema, ásɛ o ɛɛ nɛnjen, kpɔ he te pɛlo, ásɛ o tɛɛ jirima.

2 Pita 1:9

Kɛ nomɛlbwa waa wola a ɡɛ da nɔ dɔe la, o liire do toŋɡboŋ ken. Waa waa nyiŋe dɛɛ la sie. A ɡɛ te la soɔh kɛŋɔ Korowii laa o wechɔɡa o fa aa dɛ ɛ la fee o nɛ.

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Mak Aa Chwera Tɔn 10:21

Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Matiu 19:20

Baa la ŋɔ, “Waa nɔ te bwa, n dɛ teŋɛ a ta. Amee ka mɛ jaɔ?”

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.