Jems 1:14 - mzwDBL

¹⁴ Dɛ waane pu nomɛl o ɛ wechɔɡa aa, o ɡbabir pɛla waa dɔa laanee ɡela o ɛ wechɔɡa.

Jems 1:14 Referans Kwoze

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Matiu 15:18

Kɛ waa aa le nɛn nyoa la te, bambile binii a le. Anee yon ɡel nɛn ɛ nɛnchɔɡe.

Hibru 3:13

Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Tɔn Pɔɔl Aa Chwerɛ Rom Tena 7:13

Aah dɛ kon waa wera nɔ, o taa a berɛ che mɛɛ ba seo dɔe yaa? O ta laa. Liichɔɡaa cheɡɛ kon waa wera ta dɛ ɡel n dɔ seo, dɛ baɡle o dor ásɛ n jemɔ kɛrɛdɛ. Mmara la taa a che asɛ ya jemɛ kɛŋɔ liichɔɡa doŋo, aa wola were kwaraa.

Sɛɡla 4:23

He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

Matiu 5:28

Kɛ taraken n dɛ ŋɔ he be ŋɔ, he naate haa na haah dɛ nyiŋu he pɛla do o nɛɛ la, he bɔ jwamane he bambile bini.

Tɔn Pɔɔl Aa Chwerɛ Rom Tena 7:11

Liichɔɡa nao kɛŋɔ a dɔ bɔr name. Mmara taa a che dɛ neɡ mɛ, dɛ taɡ mɛ do seo ta.

Job Tɔn 31:27

a ta wone ɡel n liire berɛ kɛ n sɔh dɛ́ toma, n ta ɡuŋe dɛ kpɔ duure tɛa aa,

Job Tɔn 31:9

Dɛ n pɛla dɔ haah, kɛɛ dɛ n kaa pɛl n dɔŋ bɛl doonyoa aa,

Matiu 15:20

Anee ɡela nɛn ɛɛ ɛ nɛnchɔɡe. Kɛ dɛ nɛn ta nɔn samɛ ɡɛ he naawa aa chaɡle heyaa ŋɔ hɛ́ɛ ɛ mɔɔ dɛ́ɛ di kwaa la aa, a te aa won ɡel ó ɛ nɛnchɔɡe.”

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Hosia 13:9

Israel tena, he serewɔ, dɛkalkɛ he ɛ wechɔɡa dɛ jo n nɛ.

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

2 Samoɛl 11:4

Ate, kooro tomɛ toroma ba ka kpɔɔ ba. Waa bala la, kooro lawɔ chɔ. Dɛ o bochɔɡa leɔ doŋa bɛlbwa toole o nɛɛ kpa. Asɛ o berɛ kaa dem.

Matiu 4:1

Belaa Korowii Domadɛɛɡe la kpɔ Yeesu kaa pua hɛŋle ɡbo harɛ ta, ásɛ Bɔnsam daahno na.

Jems 1:13

Dɛ waane pu nomɛl o ɛ wechɔɡa aa, o bɛ ŋɔ Korowiirii ɡela o ɛ wechɔɡa. Wobɛlbwa toole dɛ́ won ɡel Korowii ɛ wechɔɡa. Waa waane ɡee kpɔ ta ya nɛɛ ya ɛ wechɔɡa.

Jems 1:15

Pɛla waa wola were la dɛ́ lolɛ wechɔɡa, ásɛ wechɔɡa ɡe baa waraa, a yon lolɛ seo.