Sitɔɔla 7:2 - mzwDBL

² Korowii ŋɔ Gedeɔn be ŋɔ, “He laa tena la warɔ ɡwaa ɡɛ maa dɛ nyin kɛ ń kpɔ Midian tena do ba nɔn ta bá pɔ ba nɛɛ la. Gɛ aa ɛ Israel tena bɛ ba lii kɛŋɔ ba ɡbaɡba kpeɡrii lɛɛ ba kɛ n ta wobɛlbwa ɛɛ la,

Sitɔɔla 7:2 Referans Kwoze

Mmarare 8:17

Anomanta, he bɛ ba lii kɛŋɔ he ɡbaɡba kpeɡri ne he bokpeɡa taa a che he dɔ kwa.

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.

Tɔn Pɔɔl Aa Chwerɛ Rom Tena 11:18

Anomanta, bɛ kena dɛɛ kpaɡri daa kpala la baa kɛa ta la nɛ. He mbarafo mun ɔ? Daa kpale laa hen kɛɛ? Hen ɡela daa la lune do le kɛɛ an ɡela he do le nɔ?

Ɛfesos 2:9

Ya wedɛɛɡa ta laa a che o lɛ yaa, nomɛlbwa bɛ kpɔ dɛɛ maŋkura o te.

Sekaria 12:7

Korowii ɛɛ tɔ sie lɛ Juda dea tena mɔɔ, ɡɛ aa ɛ Kooro Devid naanar ne nɛra baa soɡe Jerusalam la jirima bɛ Juda tena ɡwaa.

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Ɛsekeɛl 28:17

He wer haa doa la ɡelɔ he ɛ mbarafo, dɛ chɔɡ he wejema, he nyanyini la wa. Anomanta, n taɡɛ ta harɛ a wa, ásɛ koranar na a ja ba.

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

Mmarare 32:27

Dɛ berɛ lii kɛŋɔ he dɔma bɛ ba te ba maŋkura dɛ́ ŋɔ banee pɔ n nɛra nɛ, kɛ dɛ menee wona ɛ ɡɛ.’

Tɔn Pɔɔl Aa Chwerɛ Rom Tena 3:27

Aa do ɡɛ nɔ, ya dɔ ŋwɛnɛ kɛŋɔ ya ta nyoa aa? Ya ta ŋwɛnɛ dɔe. Ɛrɛ taa a che yaa wola won ta nyoa nɔɔ? Mmara ta teŋa ta laa a che. Yeesu Kristo yaradae laanee tɔ ɡɛ waa nɔ bwa ŋwɛnɛ,

Habakuk 1:16

Anomanta, ba kpoo kwaa dɛɛ tɛ ba dɔɔne, dɛ fuh daawiile a sɔɔh aa soma dɛɛ tɛa dɛɛ toma, dɛkalkɛ a ɡɛ kwaa laanee dɛɛ tɛɛ ba ba kondɛɛɡa, ne kondikondɛɛɡa tenten bwa.

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Aesaya 10:13

Dɛkalkɛ o dɛ bol ŋɔ, ‘N ɡbabir bokpeɡa ne n wejemaa n kpɔ ɛ waa nɔ bwa. N chɔɡ harɛre jwɛhre dɛ yoo ba dɛ pa ba kondɔɔh. Banyoo tentenee men. N ir koranar ba kora ta.

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

Aesaya 2:17

Nɛn nyanyini ɛɛ ba harɛɛ ɡɛ saŋ, ásɛ maŋkurae nɛwɛnyini aa dɛ maŋkura o te la tonɛ. Korowii ɡbo sɔnee dɛɛ ba lee awola tɔpere,

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Mmarare 8:18

Hé lii Korowii haa dɛ tomɔ la wa, dɛkalkɛŋɔ onee tɛ heyaa wejema he kondɔɔh dɔe ta. Anee ɡela o nyoa waa baɡɛ he naawa la chɔ le ba le fini la.

Mumpar 46:2

Korowii kpɔ o te baɡlo bela deera ta jwaana dɛ yerɔ ŋɔ, “Jekɔb.” Asɛ o sɛh dɛ ŋɔ, “Menee la.”

Nɛra Kura 31:4

Hé kpɔ baala kaɡboŋ le Israel deene la bɛlbwa ta, dɛ́ la laa la.”