Sitɔɔla 7:15 - mzwDBL

¹⁵ Gedeɔn aa no deera la ne ɡɛ naate la aa baɡle a bini la, o ɡuŋo dɛ jam Korowii, dɛ laa berɛ ba ba sobɔr dɛ ba ŋɔ takpeɡ ne ŋɔ, “Hé ir, Korowii kpɔ Midian tena do he nɔn ta.”

Sitɔɔla 7:15 Referans Kwoze

Sitɔɔla 4:14

Dɛbora ŋɔ Barak be ŋɔ, “Kaa! Fini tɔpere nɔɔ Korowii kpɔ Sisera do he nɔn ta hé pɔ o nɛ. Korowii te tɔ he sie kaa.” Anomanta, Barak ne o laa tena kaɡboŋa fi la tuo le Tabɔ Bwejen doa ba harɛ.

Mumpar 41:11

Awola bɛl, n ne paanowɔɔra nomoa la deero asɛ a mune koɡre.

Mumpar 40:8

Anee ba chaŋe ŋɔ, “Ya deero, kɛ bɛlbwa deera waa deera la ɡe korɔ, ya ta nomɛlbwa dɔe ó baɡle yaa a mun bonɔ yaa lole nɔ.” Ate Josef ŋɔ, “Korowiirii dɛɛ tɛ nɛn wejema ó won baɡle nɛn deera mun. Hé baɡle ásɛ n no.”

Mumpar 24:48

Belaa n ɡuŋi dɛ jam Korowii, dɛ kpɛɛ n dɔɔ Abraham Korowii waa kpɔ n naa andɛɛɡa kɛŋɔ ń ka mo n dɔɔ nime bie ba tɛ o bie la.

Sitɔɔla 7:11

Hɛɛ ka no waa baa dɛ bolee, dɛ́ won che a ta dɛ́ dɔ bambikpeɡ dɛ́ yoo ba.” Anomanta, o ne o bonɔɔ Pura kaa pɛl ba dɔma la dahara.

Sitɔɔla 7:14

Asɛ o dɔŋ la chaŋo ŋɔ, “Waa aa dɛ baɡle bwaa kɛŋɔ Joas bibaa Gedeɔn waa ɛ Israel te dɛ́ ba ba yo yaa. Korowii kpɔ ya Midian tena ne nɛra baa bala dɛ́ ba cha yaa la bwa do o nɔn ta.”

Sitɔɔla 7:16

O bɔne o laa tena lafraatoro la bini kuore atoro, dɛ kpɔ bɛla ne vii kapɛla aa lɔ o bini dɛɛ hɔ tɛ bɛlbwa.

Sitɔɔla 8:7

Anee Gedeɔn chaŋ ba ŋɔ, “Gɛ haa bola nɔ nomanta, dɛ Korowii kpɔ Seba ne Salmuna do n nɔn ta naa, sɔɔhne ne jabalnadaŋɛree mɛɛ ba kpɔe ba lɔɔ heya.”

Sitɔɔla 3:28

O do ba ŋɔ, “Hé teŋɛ n nɛ, Korowii ɛɛ lɛ heyaa le Moab tena baa ɛ he dɔma nɔn taa.” Anomanta, ba teŋɛ Ehud nɛɛ dɛ kaa bɔra baa kpɔ a ta dɛɛ ɡale Jɔɔdan Moo dɛ kaa Moab harɛ ta la dɛ ka tɔɔɡa. Ba ta ɡelɛ nomɛlbwa ɡale moo la.

1 Samoɛl 1:28

Le fini dɛɛ kaa, n leo cheɡ tɛ Korowii, wɛɛ ɛ Korowii konee o soɡa bini bwa.” Asɛ ba tomɛ Korowii bela.

1 Samoɛl 14:12

Ate, Filisti tena baa lɔ bela la nyɛɡ Jonatan ne o bonɔɔ la nɛɛ ŋɔ, “Hé ba ya be nyundua bonɔ, ásɛ ya baɡle heyaa waane.” Anee Jonatan ŋɔ o bonɔɔ la be ŋɔ, “Teŋɛ n nɛ dɛɛ ba, Korowii kpɔ ba do Israel tena nɔn ta.”