Sitɔɔla 4:4 - mzwDBL

⁴ Dɛ haah bɛl sɔne Dɛbora dɛ ɛ Korowii keame, dɛ ɛ Israel tena sitɔɔ ɡɛ saŋ. O jaa sɔne Lapedɔt.

Sitɔɔla 4:4 Referans Kwoze

Amanesoma Luk Aa Chwera Tɔn 2:36

A ɡɛ saŋ la, dɛ luhaah bɛl lole dɛ ɛ Korowii keame, baa yerɔ Hana. Dɛ Fanoɛl bihaahnee on, asɛ o le Aasa dea. Dɛ o hwɛɛhrɔ. O yalɔ o toli saŋ, o ne o jaa so bene anuanɛ asɛ o jaa la ba sewɛ.

2 Koranar 22:14

Anee sɔfo Hilkia ne Ahikam ne Akbɔ ne Safan, dɛ Asaya la Korowii keame bɛl waa ɛ haah baa yerɔ Hulda be, dɛ ka bɔɔ le o be. Dɛ Korowii keame Hulda soɡe Jerusalam bampera bofale. O jaaree Tikva bibaa Salum, asɛ o nabaa sɔne Haahas. Onee dɛɛ nyiŋi Korowii Dea batakaarere ta.

Kaala 15:20

Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

1 Kɔrent 11:5

Dɛ haah ɡe dɛ soŋe Korowii kɛɛ dɛ che Korowii Domadɛɛɡe la kpeɡri ta dɛɛ bol waa o ta kon kpɔe bɔle o nyu aa, waa duure kpɔe dɛɛ tɛ baa. O do kɛŋɔ nɛn baa fonɛ o nyu ken.

We-ɛɛla 21:9

Dɛ o dɔ bihaahna banaarɛ baa wola yalɛ bwa, asɛ Korowii Domadɛɛɡe la cha ba ba yon dɛɛ bol Korowii Wa.

Maeka 6:4

He fa ɛ yoma Ijipt harɛ ta, asɛ n lawɛ heyaa le bela. N tomɛ Mosis ne Arɔn dɛ Miriam, bá ba tɔ he sie.

Nehemia 6:14

Asɛ n soŋe Korowii ŋɔ, “N Naa Korowii, nyiŋi waa Tobia ne Sanbalat aa ɛa nɔ, dɛ́ tɛr ba deŋne a wa. Berɛ lii kɛŋɔ he keame bɛl waa ɛ haah baa yerɔ Noadia, dɛ keamere baa jaa ɡe jao dɛɛ aah mɛ ɡɛ.”

Sitɔɔla 4:3

Dɛ Kooro Jabin dɔ bune kwaa aa do kɛ torɔɡo ba vɔwɛ dɛɛ pɛl jaɡre la lafraanuanaarɛ. O fɔɡɛ Israel tena kɛrɛdɛ bene fifraanɛ, asɛ ba berɛ wi no Korowii ŋɔ ó cha ba.

Sitɔɔla 4:5

Dɛ bambi daa bɛl cheɡɛ Rama ne Bɛtel baah ta Efrem deŋɡarere harɛ ta baa yerɔ Dɛbora Bambi wɛɛ so o mun, asɛ Israel tena yon la o be o bol ba waa dɛɛ tɛɛ ba.

Ɛsekeɛl 13:17

Korowii ŋɔ men Ɛsekeɛl be ŋɔ, “Nɛwɛnyini bie, eɡle sie ta haahna baa cheɡɛ ba ɡbaɡba liire ta dɛɛ bol waa aa dɛ ba ba nɛɛ bala kerekere la nɛ, kah ba,

Sitɔɔla 5:1

Awola tɔpere la Dɛbora ne Abinoam bibaa Barak ɡo yel nɔ dɛ ŋɔ,