Sitɔɔla 4:23 - mzwDBL

²³ Awola tɔpere la, Korowii ɡelɔ kpeɡri Keenan harɛ Kooro Jabin aa dɔa la nyoa sɔɔh Israel tena bwa siwi ta.

Sitɔɔla 4:23 Referans Kwoze

Yela 18:47

Korowiirii tɔ n wel tɛ mɛ, o kpɔ harɛre nɛra do n nɔn ta.

Nehemia 9:24

Ba naanar laŋɔ ka yo dɛ kpɔ harɛ la, o ɛ ba kon. He tɔ ba sie dɛ sɔɔh nɛra baa soɡe harɛ la ta nyoa, dɛ tɛ he nɛra kpeɡri ba pɔ Keenan harɛ koranar ne nɛra baa lɔ bela nɛ, dɛ ɛɛ ba ɡɛ baa dɛ nyin.

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.

1 Kɔrent 15:28

Dɛ Korowii baa ɛ ɡɛ tonaa, o Bie ɡee kpɔ o tenee do o Mɛɛ Korowii waa kpɔ komɛlbwa kpeɡri tɛo la lɔɡa, ásɛ Korowii ɡbo ɛ Kpeɡri Bwa Dɔɔ.

Yela 81:14

N fe ɛɛ yo ba dɔmaa, dɛ́ pɔ ba nɛɛ warane.

Yela 47:3

Onee ɡela ya yo harɛre nɛra, dɛ pɔ ba nɛ, ba ba do ya lɔɡa.

Yela 18:39

He tɛ mɛ bokpeɡa n won laa yoi, dɛ sɔɔh n dɔma nyoa n pɔ ba nɛ.

1 Webena 22:18

O ŋɔ ba be ŋɔ, “Kórowii haa dɛ tomɔ la ja he nɛ. O ta ɡelɛ he so deŋnesɔɔhna ta he bwara sɔɔh heya aa? O ɡelɔ n yo dɛ pɔ nɛra ba fa aa soɡe harɛ nɔ ta nɛ, ba do on Korowii ne ya lɔɡa.

Sitɔɔla 4:22

Barak ti Sisera dɛɛ ba, asɛ Jael le buse ka chemo dɛ ŋɔ, “Dɛɛ ba, mɛɛ chaɡle nɛn haa dɛ ɡaaɡe o bɔr nɔɔ.” Anomanta, o ne Jael jo tɛnte la bini, o na kɛ ba kpɔ kon baa kpɔa dɛɛ baŋre tɛnte jaɡɛ o lwɛɛma ta marɛ harɛ o sewɛ.

Sitɔɔla 4:24

Israel tena berɔ ba dɔ kpeɡri kɛrɛdɛ Keenan tena Kooro Jabin nɛɛ ka tel kɛŋɔ baa kpoo.