Sitɔɔla 4:21 - mzwDBL

²¹ Koeh kohona nomanta, Sisera chɔ dom kwaraa, asɛ Heba haah Jael kpɔ kwaa baa kpɔa dɛɛ baŋre tɛnte la bɛl ne hamba, dɛ ɛ bɔeeh dɛ kpɔ kon la jaɡɛ o lwɛɛma ta, dɛ kpaa do o ka marɛ harɛ o sewɛ.

Sitɔɔla 4:21 Referans Kwoze

1 Kɔrent 1:27

Korowiirii saahna le waa nɛra aa dɛ liira wesale dɛ́ ɡel sihiih kpo wejerema, asɛ dɛ saah le ɡwɛɡra ɡe dɛ ɡel sihiih kpo kpeɡnɛra,

Yela 3:7

N Naa Korowii maa dɛ tomɛ, ir nyu ne dɛ́ lɛɛ mɛ! N Naa Korowii, sɔɔh n dɔma nyoa.

Sitɔɔla 3:21

Ehud kpɔ nɔŋɡal dɛ laa tokobi la tɛr le o diɡ kɛɡra ta, dɛ kpɔ tɔɡɛ kooro tea.

1 Kɔrent 1:19

Ba chwerɛ Korowii Tɔn bini ŋɔ Korowii ŋɔ, “Mɛɛ ɡeloo nɛra wejema ne tɔn jema ɛ pɛɛpɛɛ.”

1 Samoɛl 17:43

O bɔɔ Devid ŋɔ, “Nyoatee men he kpoŋe daa dɛɛ ba n be naa?” Asɛ o ŋwɛɛ voɡa ta Devid nɛɛ dɛ taahno.

Sitɔɔla 15:15

O na keeɡo kaŋe hoɡfale harɛ, asɛ o laa kee dɛ kpɔ kpoo baala kaɡboŋ.

Sitɔɔla 3:31

Ehud aa bala habɔɔ la, Anat bibaa Samɡa ɡe kpoo Filisti tena lafraanumɛl daa waa seɡre o nyoa, dɛ kpɔ dɛɛ teɡɛ o nae la ne. O ɡe jao dɛ lɛ Israel tena.

Sitɔɔla 4:9

Dɛbora ɡe ŋɔ, “A wer, n ne hɛɛ kaaloo. Kɛ ŋwɛnɛ yaa dɛ ba kaala nɔ, he laa dɛ dɔ sɔn o ta. Haahnee Korowii ɛɛ ba ɡela o pɔ Sisera nɛ.” Anomanta, Dɛbora ja Barak nɛɛ ba kaa Kedes.

Sitɔɔla 4:20

Sisera ŋɔ Jael be ŋɔ, “Ir che tɛnte doonyoa bela. Dɛ nomɛl baa bɔɔ ŋɔ nɛn lɔ bonɔ naa, he ŋɔ ɔɔhɔh.”

Sitɔɔla 4:22

Barak ti Sisera dɛɛ ba, asɛ Jael le buse ka chemo dɛ ŋɔ, “Dɛɛ ba, mɛɛ chaɡle nɛn haa dɛ ɡaaɡe o bɔr nɔɔ.” Anomanta, o ne Jael jo tɛnte la bini, o na kɛ ba kpɔ kon baa kpɔa dɛɛ baŋre tɛnte jaɡɛ o lwɛɛma ta marɛ harɛ o sewɛ.