Sitɔɔla 4:2 - mzwDBL

² Anomanta, Korowii kpɔ ba do Keenan Kooro Jabin waa di kora bwɛjen Hasɔ nɔn ta. Kooro Jabin laa nomoa sɔne Sisera, dɛ so bwɛɛ Harɔsɛt Haɡoyim ta.

Sitɔɔla 4:2 Referans Kwoze

Sitɔɔla 4:16

Kɛ Barak ti kwaa aa do kɛ torɔɡore la ne laa tena la ka tel Harɔsɛt Haɡoyim. Ba kpoo Sisera laa tena la bwa kere ne, beŋkpoŋ kwaraa ta kae.

Sitɔɔla 4:13

o kpɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la lafraanuanaarɛ ne o laa tena baa lɔ o be bwa, dɛ kpoŋe le Harɔsɛt Haɡoyim kaa Kesɔn Moo la nyoa.

Josua 11:1

Dɛ Kooro Jabin dɛ di kora Hasɔ. O baa no kɛŋɔ Josua ne o nɛra Israel tena pɔ harɛre nɛɛ warɛ, asɛ o ɡel koranar bane kɛŋɔ Jobab waa ɛ Madɔn kooro ne Simron dɛ Aksaf ɡe no a wa.

Yela 83:9

Ɛɛ ba ɡɛ haa ɛ Midian tena la, chɔɡ ba ɡɛ haa chɔɡ Sisera ne Jabin, baa ɛ laa nomonome Kesɔn nenabɔɔ ta la.

1 Samoɛl 12:9

Kɛ ba soh Korowii baa dɛ tomɔ la wa, anomanta, o ɡelɔ Filisti tena ne Moab kooro dɛ Sisera waa ɛ laa sitɔɔ dɛ do bwɛjen Hasɔ ba yo he naawa dɛ pɔ ba nɛ.

Sitɔɔla 10:7

o baah di ba nɛ. O kpɔ ba do Filisti ne Amɔn tena nɔn ta,

Matiu 18:25

Waa naa kɛŋɔ bonɔɔ la aa won ɛ wobɛlbwa dɛ́ bɔ kem la la, o ŋɔ bá yoɡ o ne o haah ne bii ne o kondɔɔh bwa, dɛ́ kpɔ bɔ kem la.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Josua 19:36

ne Adama ne Rama dɛ Hasɔ,