Sitɔɔla 4:1 - mzwDBL

¹ Ehud aa sewa habɔɔ la, Israel tena berɔ ɛ wechɔɡa dɛ jo Korowii nɛɛ ja.

Sitɔɔla 4:1 Referans Kwoze

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Sitɔɔla 10:6

Israel tena ɛ wechɔɡa dɛ jo Korowii nɛɛ ja. Dɛ voɡa Baalre aa ɛ baala ne voɡhaahna Astɔrɛt, ne voɡa aa lɔ Aram ne Sidon, ne Moab ne Amɔn harɛre, dɛ voɡa Filisti tena aa dɛ tomɛ laanee baa tomɛ. Baa laa sie kpɔ Korowii nɛɛ dɛ vɛh o toma la,

Sitɔɔla 6:1

Israel tena berɔ ɛ wechɔɡa dɛ jo Korowii nɛɛ ja, asɛ o kpɔ ba do Midian tena nɔn ta ba di kpeɡri ba nɛɛ bene anuanɛ.

Sitɔɔla 3:12

Israel tena berɔ ɛ wechɔɡa dɛ jo Korowii nɛɛ ja, asɛ o ɡel Moab Kooro Ɛɡlɔn ɛɛ di kpeɡri ba nɛ.

Sitɔɔla 3:7

Israel tena la ɛ wechɔɡa dɛ jo Korowii nɛ. Ba berɛ habɔɔ kpo Korowii baa dɛ tomɔ la dɛ kaa tomɛ voɡa Baalre ne Asera.

Sitɔɔla 2:11

Israel tena la ɛ wechɔɡa dɛ jo Korowii nɛ dɛɛ tomɛ voɡa Baalre.

Hibru 11:32

Too, ń baɡle ane ja aa? Maa bɔree dɔ baɡle Gedeɔn, ne Barak, ne Samsen, ne Jɛfta, ne Devid, ne Samoɛl, dɛ Korowii keamere la bwa wa.

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.