Sitɔɔla 3:15 - mzwDBL

¹⁵ Israel tena wio no Korowii ja, asɛ o le Bɛnjamen dea te Gɛra bibaa Ehud tɛɛ ba, ó ba lɛɛ ba. O ɛ ɡal te. Gɛ Ehud nɔɔ Israel tena tomɛ o kpɔ suuɡa ne kwaa baa bɔa dɛɛ tɛ Moab Kooro Ɛɡlɔn la dɛ ka tɛo.

Sitɔɔla 3:15 Referans Kwoze

Sitɔɔla 3:9

Kɛ ba wio yerɛ Korowii, asɛ o le Kenas bibaa Otniel o ba lɛɛ ba. Dɛ Kaleb nimee on.

Yela 78:34

O baa kpoo ba bini bane aa, banɔ la baa kaa la yon berɛ ba o be, dɛ́ charɛ ba liire, dɛɛ soŋo sibeɡra ne.

Aesaya 36:16

He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne,

1 Webena 12:2

Ba kpoŋe tori, dɛ jemɛ ane yoi kɛrɛdɛ, kɛɛ dɛ won vamtor bwea tae diɡ ne ɡal bwa. Ba le Kooro Sɔɔl luɡe ta, dɛ le Bɛnjamen dea.

Sitɔɔla 20:16

Laa tena baa lee ba nɔ bwa bini, lafraanuanɛ ɛ ɡal tena ba nɔɔra aa dɛ na kɛrɛdɛ, baa wola kon waa do kɛ nyumpon kwaraa kur ta.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Sɛɡla 21:14

Dɛ nomɛl baah di he nɛ, he sɔh kpɔ kon kɛo waa, a ɡelɔ o baah ɛɛ sɔɔh.

Sɛɡla 19:6

Nɛra ɡalɡa takapɔ kɛŋɔ ba waa ɛɛ lɛ nɛnjen sie, ɡɛɛ nomɛlbwa ɡe ɛ nɛn waa dɛ kɛ kwaa dam.

Sɛɡla 18:16

Koŋkɛɛla pili ŋwɛnɛ dɛɛ tɛ nɛn, a ɡelɔ wɛɛ jo nomonome bini.

Yela 90:15

Gel yá dɔ silɛɛ kohona taraken, ɡɛ tenten he fa aa ɡela ya di suna, saŋ bɛl waa baa kaa la.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

1 Samoɛl 10:27

Kɛ nɛnchɔɡa bane ɡe ŋɔ, “Ɛrɛɛ nɛn waa do ken ɡe ɛɛ ba wona lɛ yaa ɔ?” Ba haoh dɛɛ nyiŋi o nyubaah, ba ta on koŋkɛɛla bɛlbwa ba tɛɛ. Sɔɔl ɡe ta ba waa la kpɔe ɛ wobɛlbwa.

Sitɔɔla 3:14

Israel tena tomɛ Moab Kooro Ɛɡlɔn bene fi dɛ anuatoro.

Sitɔɔla 3:16

Dɛ Ehud loɡɛ tokobi o jaŋne aa ɛ naɡale beŋkpoŋ ne tama, dɛ kpɔ sɛɡle o diɡ kɛɡra yapea bini.

Sitɔɔla 2:16

Ate, Korowii tɛɛ ba sitɔɔla, asɛ ba lɛɛ ba le nɛra ba yon ba lɔ tɔ ba nɛɛ dɛ pa ba laala la nɔn ta.

Sitɔɔla 4:3

Dɛ Kooro Jabin dɔ bune kwaa aa do kɛ torɔɡo ba vɔwɛ dɛɛ pɛl jaɡre la lafraanuanaarɛ. O fɔɡɛ Israel tena kɛrɛdɛ bene fifraanɛ, asɛ ba berɛ wi no Korowii ŋɔ ó cha ba.

2 Samoɛl 20:9

Joab bɔɔ Amasa ŋɔ, “N dam, ɛrɛɛ he bwara doɔ?” Belaa Joab kpɔ nɔndiɡ lawɛ Amasa tampona dɛ ɡbaaro pɛl o te.

2 Samoɛl 20:10

Dɛ Amasa aa jemɛ kɛŋɔ Joab kpoŋe kere o nɔn bɛl la ta, asɛ Joab kpɔ yaɡɛ o tea o looni le dɛ ba le harɛ. O sewɛ buɡ ta, anomanta, o ta on wobɛlbwa ɛɛ kpa. Belaa Joab ne o nime Abisae ti Seeba ɡe.

1 Webena 8:3

Bɛla ɡe bibaalaa, Adaar ne Gɛra dɛ Abihud

1 Webena 8:5

ne Gɛra ne Sɛfofan dɛ Hiram.

2 Webena 9:24

Benanyoa bɛlbwa ba dɛ ba o be naa, koŋkɛɛla aa ɛ kwaa baa kpɔ suuɡapoŋa ne suuɡaswɛm ɛa, ne batakaani ne dɔmkwa ne konsɔɔhsoma ne jaɡre, dɛ keeɡoree ba kpɔ baa tɛo.