Sitɔɔla 21:2 - mzwDBL

² Israel tena la Bɛtel dɛ ka so Korowii sie dɛ kpɔ takpeɡ wi noo kohona ka tel jɔmɔra.

Sitɔɔla 21:2 Referans Kwoze

Sitɔɔla 20:26

Asɛ Israel tena la bwa la Bɛtel dɛ ka so Korowii sie dɛ wi noo ja. Ba vɔwɛ nyoa awola tɔpere le chɔɔ ka tel jɔmɔra. Ba fuh kwaa ɛ saraha ne deŋnesɔɔhna saraha tɛ Korowii.

Sitɔɔla 20:18

Israel tena la Bɛtel dɛ ka bɔɔ le Korowii be ŋɔ, “Ya bini bamewaa dɛɛ ba sie tɔe ka yo Bɛnjamen dea tena nɔɔ?” Belaa Korowii chaŋ ba ŋɔ, “Juda dea tenaa dɛ́ tɔ sie ka yo.”

1 Samoɛl 30:4

Devid ne o laa tena la wio kohona ka tel kɛŋɔ baa koah baa wola won wi kpa.

Sitɔɔla 21:12

Ba na toli lafraanaarɛ Jabes Gelead baa wola baala jemɛ bwa, asɛ ba laɡ ba kaa bela baa baŋre ba tɛnte deene Silo waa lɔ Keenan harɛ ta.

Sitɔɔla 20:23

Israel tena la kaa wi no Korowii ka tel jɔmɔra, dɛ berɛ soŋo ŋɔ, “Yá ka pu ya bala Bɛnjamen dea tena la yo ja aa?” Anee Korowii chaŋe ŋɔ, “Hé kaa ka yoo ba.”

Sitɔɔla 2:4

Korowii nyundua torome la aa bol waa nɔ baɡle Israel tena la bwa la, ba wio kohona.

Josua 18:1

Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,

Mumpar 27:38

Esɔ toɔh marɛ o mɛɛ dɛ soŋo ŋɔ, “Amɔ wesoŋa beŋkpoŋ ɡboo he dɔ dɛ tɛ Jekɔb haa wola bɛlee dɔ tɛ n te kpa aa? Soŋe andɛɛɡa tɛ n ɡe.” Asɛ dɛ wi kohona.

Sitɔɔla 21:3

Ba wio ŋɔ, “Korowii ya Israel tena aa dɛ tomɛ, ɛrɛ taa a che ɡɛ waa nɔ pu yaa nɔɔ? Bɔkwa waa debeŋkpoŋ tena nyoɡre le ya bini fini nɔɔ?”

1 Samoɛl 11:4

Toroma la aa tel Gebea bela Sɔɔl aa soɡa dɛ bol ɡɛ waa nɔ ba be la, ba wio kɛrɛdɛ.