Biblia Todo Logo
Bib sou entènèt

- Piblisite -




Sitɔɔla 21:19 - mzwDBL

19 Kɛ hé no! Ya dɛ ba tɔpejen bɛl dii Silo waa lɔ Bɛtel weekaŋle nyundua, ne ŋwɛnɛ waa lɔ Bɛtel ne Sɛkem wee leebɔr, ne Lɛbɔna weekaŋle harɛbɔr.”

Gade chapit la Kopi




Sitɔɔla 21:19
20 Referans Kwoze  

Gɛ saŋ la dɛ a ka tama Juu tena Kukure Tɔpejen ba yon dɛɛ do kukure dɛɛ so a bini tɔpera anuatoro la telo bá di.


A habɔɔ la, dɛ Juu tena tɔpejen bɛl telo, asɛ Yeesu la Jerusalam.


Hé hoh pebal nyeɡle bɛla Korobifale Tɔpejen ta, korobie baa kpeɡ ɡe aa, hé berɛ hoh.


Bena bɛlbwaa Ɛlkana yon le o bwɛɛ Rama kaa bwɛjen Silo, dɛ́ ka tomɛ Korowii Waa Ɛ Koranar Bwa Kooro dɛ kpoo kwaa ɛ saraha tɛo. Dɛ Eli ɛ sɔfo, dɛ dɔ bibaala banɛ bane ba ɡe aa ɛ sɔfore. Bɛl sɔne Hofni nɛɛte ɡe Fenehas.


Gɛ saŋ Korowii Tɛnte Dea aa lɔ Silo la bwa, dɛ ba ta teŋɔ dɛɛ tomɛ voɡa Maeka aa ɛa la.


Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,


He baa komɛ mea dɛ lɔa tonɛ, dɛ chaa daa nɔna baa kpɔa dɛɛ ɛ sen la dɛ harama tonaa, hé kpɔ tɔpera anuanɛ di Kukure Tɔpejen la.


Ásɛ dɛ di Koo Kondikwaa Koma Tɔpejen Korowii haa dɛ tomɔ nɔ sɔn ta. Hé kpɔ kwaa he bambile aa lawa ba ɛ saraha tɛ Korowii. Andɛɛɡa waa ɡela he dɔ la taa chɛ kɛŋɔ hé nyiŋi dɛ́ ba kwaa la ne.


Mosis berɔ ŋɔ, “Hɛ́ɛ di Galekaa Tɔpejen la Abib korobie la ta Korowii sɔn ta, dɛkalkɛŋɔ ɡɛ korobie la taa o lɛ heyaa le Ijipt harɛ jwaana bɛl.


Korobinuanɛ tɔpera fi dɛ anue ta, hé cheme dɛ́ tomɛ Korowii dɛ bɛ toma bɛlbwa ɛ. Hé di Kukure Tɔpejen tɔpera anuanɛ dɛ́ lɛ he sie dɛ́ tɛ Korowii.


Awola haa kpɔ mefala dɛɛ ba dɛ́ ba tɛ Korowii la, a ɡɛ Koo Kondikwaa Koma Tɔpejen la dii ta, hé cheme dɛ́ tomɛ Korowii dɛ bɛ toma bɛlbwa ɛ.


Korobie waa tɔ sie tɔpera fi dɛ anaarɛ la ɛ Galekaa Tɔpejen dɛ tɛ Korowii, a chɛ kɛŋɔ hé diu.


Ba sie baa lɛ ba benanyoa ne Korobifala Tɔpejena baa lea cheɡ dɛɛ dia ta naa, bá hoah bela baa kpɔ saraha kwaa baa dɛ fuah, ne deŋnesɔɔhna saraha dɛɛ ba la, ásɛ a chɔ le dɛɛ lii ba n wa. Menee Korowii baa dɛ tom mɛ la.”


“Korobie anuanɛ la tɔpera fi dɛ anue taa Kukure Tɔpejen dii ɛɛ pa mun. Tɔpera anuanɛɛ baa diu.


“Dɛ he baa tel harɛ maa dɛ ba kpɔe tɛ heyaa la ta, asɛ hɛɛ komɛ he koo kondikwa aa, hé kpɔ mea vɔwa del aa ɛ loɡla kwaa la ka tɛ sɔfo.


A ɡɛ korobie nɔ tenten ta tɔpera fi dɛ anue ta la, hé pa Paanoo Baa Wola Iisi A Ta Do Tɔpejen dii la mun. Hé di paanoo iisi aa wola toole a ta tɔpera anuanɛ.


Tɔpejena men Korowii aa lea cheɡ ŋɔ hé cheme dɛ́ɛ di laanee nɔ.


“Anɔɔ ɛ n tɔpejena maa lea cheɡ a chɛ kɛŋɔ hé bwa cheme dɛ́ɛ tom mɛ a ta.


Israel tena la do Bɛnjamen dea tena la ŋɔ, “Hé ka sɔh ɡrepo daa kooni ta,


Swiv nou:

Piblisite


Piblisite