Sitɔɔla 20:1 - mzwDBL

¹ Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.

Sitɔɔla 20:1 Referans Kwoze

Sitɔɔla 11:11

Anomanta, Jɛfta pu nomonome la kaa, asɛ ba ɛo ba sitɔɔ ne ba laa nomoa. O ɡe ŋwɛɛ a ɡɛ waa la tenten Korowii sie Mispa.

2 Samoɛl 3:10

dɛ́ berɛ kora waa lɔ Kooro Sɔɔl luɡe ta la, dɛ́ ɡel Kooro Devid kora che kɛrɛdɛ Israel ne Juda, dɛ́ le Dan waa lɔ weekaŋle nyundua dɛ́ ba kaa Beɛseeba waa lɔ weekaŋle harɛbɔr.”

1 Samoɛl 10:17

Samoɛl cheme Israel tena la bwa Korowii sie Mispa,

1 Samoɛl 3:20

Anomanta, Israel harɛ ta bwa, le Dan dea harɛ waa lɔ weekaŋle harɛbɔr, ka tel bwɛɛ Beɛseeba waa lɔ weekaŋle nyundua bwa jemɔ kɛŋɔ Samoɛl ɛ Korowii keame.

Sitɔɔla 21:5

Israel tena la bɔɔ dɔŋa ŋɔ, “Israel deene nɔ bwa bini, debesoo tenaa wola Korowii sie bonɔ balɔɔ?” Ba fa ŋwɛɛrɔ bil kɛŋɔ dea bɛlbwa waa wola Korowii sie Mispa bonɔ balɛ la, bá kpoo o nɛra.

Josua 22:12

ba bwa chemo Silo bela kɛŋɔ ba la ka puu ba yo.

Nehemia 8:1

Korobinuanɛ te ta la, dɛ Israel tena bwa kaa so ba bwɛɛre ta. Asɛ o tɔpeloɡle ta ba bwa ba cheme Nee Doonyoa la sie Jerusalam kɛŋɔ nɛmbeŋkpoŋ bii. Asɛ ba ŋɔ sɔfo Ɛsra ne tɔnjereme la be ŋɔ, ó kpɔ Korowii Mmara Tɔn o fa aa cheɡɛ Mosis nɛɛ kpɔ tɛ Israel tena la ba.

2 Samoɛl 24:2

Anomanta, Kooro Devid ŋɔ Joab ne laa nomonome la be ŋɔ, “Hé valɛ Israel deene la bwa ta, le Dan waa lɔ weekaŋle nyunduabɔr pera, dɛ́ ba kaa Beɛseeba weekaŋle harɛbɔr, dɛ́ chwerɛ ba sɔna dɛ́ ba bol n be, ásɛ n jemɛ ba nyoa.”

Ɛsra 3:1

Korobie anuanɛ ta la, Israel tena bwa kaa so ba bwɛɛre ta. Asɛ ba bwa pɛ ka cheme Jerusalam,

2 Webena 30:5

Anomanta, ba yerɛ Israel harɛ nɛra le Dan waa lɔ weekaŋle nyunduabɔr, ka le Beɛseeba waa lɔ weekaŋle harɛbɔr ŋɔ, bá ba cheme Jerusalam dɛ́ di Galekaa Tɔpejen la Korowii Israel tena aa dɛ tomɔ la sɔn ta. Dɛ nɛra ta warɛ dɛ ba di tɔpejen la, ɡɛ baa chwerɛ o waa do tɔn bini la bwa.

1 Webena 21:2

Anomanta, Kooro Devid ŋɔ Joab ne laa nomonome la be ŋɔ, “Hé valɛ Israel deene la bwa ta, le Dan waa lɔ weekaŋle nyunduabɔr pera dɛ́ ba kaa Beɛseeba weekaŋle harɛbɔr, dɛ́ chwerɛ ba sɔna dɛ́ ba bol n be, ásɛ n jemɛ ba nyoa.”

2 Koranar 25:23

Juda laa nomonome la bwa ne ba laa tena baa wola ban lawɛ kaa la aa noa kɛŋɔ Babelɔn kooro le Gedalia o ɛ ba harɛ nomoa la, ba la o be Mispa. Banee Nɛtanea bibaa Ismael, ne Karea bibaa Johanan, ne Tanhumet bibaa Seraya, o ɛ Nɛtɔfa te. Dɛ Jaasania, waa ɛ Maaka te bɛl bie, dɛ ba bala.

2 Samoɛl 19:14

Juda harɛ laa tena bwa bambile lawɛ Kooro Devid waa la, asɛ ba bwa nyoa pɛ, dɛ kpɔ kala tɛo ŋɔ o ne o laa tena la bwa berɛ ba.

2 Samoɛl 2:9

Abna cheɡo kora ta wɛɛ nyiŋi Gelead ne Asuri ne Jesreel ne Efrem ne Bɛnjamen dɛ Israel harɛre bwa ta.

Sitɔɔla 20:26

Asɛ Israel tena la bwa la Bɛtel dɛ ka so Korowii sie dɛ wi noo ja. Ba vɔwɛ nyoa awola tɔpere le chɔɔ ka tel jɔmɔra. Ba fuh kwaa ɛ saraha ne deŋnesɔɔhna saraha tɛ Korowii.

Sitɔɔla 20:18

Israel tena la Bɛtel dɛ ka bɔɔ le Korowii be ŋɔ, “Ya bini bamewaa dɛɛ ba sie tɔe ka yo Bɛnjamen dea tena nɔɔ?” Belaa Korowii chaŋ ba ŋɔ, “Juda dea tenaa dɛ́ tɔ sie ka yo.”

Sitɔɔla 20:11

Anomanta, Israel nɛra la bwa pɛo kɛ nɛmbeŋkpoŋ, dɛ́ ka yo Gebea tena.

Sitɔɔla 20:8

Nɛra la bwa pɛo dɛ ŋɔ, “Ya bini bɛlbwa toole dɛɛ ba dem kaala. Akai! Ya bini bɛlbwa aa o bwɛɛ kaa.

Sitɔɔla 20:2

Nomonome baa chɔ Israel deene nyoo la bwa baa ja Korowii nɛra baa chema la nɛ. Asɛ laa tena kaɡboŋa lafraanaarɛ kpoŋe tokobie.

Sitɔɔla 18:29

Ba kpɔ ba nabaa Dan sɔn pa bwɛɛ la, ba bwa nabaa Jekɔb aa lolɔ la. Dɛ ba fa dɛ yerɛ bwɛɛ la Lais.

Sitɔɔla 10:17

Amɔn laa tena aa kpɔ ba te dɛ ka baŋre ba tɛnte deene Gelead harɛ ta dɛ so la, dɛ Israel laa tena ɡe kaa baŋre ba kwaa Mispa harɛ ta.

Josua 17:1

Ba bɔne Jɔɔdan wee cholibɔr harɛ la pera tɛ Josef binomoa Manasɛ ne o lolanar, o ɛ ba kapɛrɛ kon. Josef binomoa sɔne Manasɛ, asɛ o ɡe binomoa sɔne Makir. Makirii Gelead tena naa, dɛ o jemɛ yoi taeh. Anomanta, Gelead ne Basan harɛ aa lɔ Jɔɔdan wee leebɔr la baa ɛ o kwa.

Nɛra Kura 32:1

Rubin ne Gad dea tena kondɛɛra warɔ taeh. Ba nao kɛ Jasa ne Gelead harɛre wer ne kwaa dɛɛra.

Josua 18:26

ne Mispa ne Kefira dɛ Moosa,

Josua 15:38

ne Dilian ne Mispa dɛ Jokteel,

Nɛra Kura 32:40

Anomanta, Mosis kpɔ Gelead tɛ Makir naanar baa ɛ Manasɛ dea tena la asɛ ba so bela.

Jeremia 40:6

Anomanta, n la Ahikam bibaa Gedalia be Mispa n ne nɛra baa ka harɛ la ta la ka so.

Josua 4:13

Nɛra dɛ ɛ kaɡboŋa fifraanaarɛ baa tela ne yoi kpɔ ba te, dɛ ɛɡɛ Jɔɔdan Moo la le harɛpɛɛ waa chɔa kaa dɛ bɛne bwɛjen Jeriko ta. Dɛ Korowii ja ba nɛ.

Josua 22:9

Asɛ Rubin ne Gad deene, dɛ Manasɛ dea pera tena la le bela bane Israel tena laa soɡa bwɛjen Silo, o lɔ Keenan harɛ ta, dɛ laa berɛ ba kaa ba ɡbaɡba harɛ ta Gelead, ɡɛ Korowii aa cheɡɛ Mosis nɛɛ dɛ do ba la.

Sitɔɔla 11:34

Jɛfta aa bera dɛɛ ba o dem Mispa la, dɛ o bihaahnee lea ba chemo, dɛ yiiɡi kwaa kɛŋɔ loŋa dɛɛ sa. Dɛ o ɡbosoroo ɛ o bie. O ta bie bɛlbwa dɔe kpa.

1 Koranar 5:5

N ɛ n liire kɛŋɔ ń do dea tɛ Korowii, ɡɛ waa ŋɔ n mɛɛ Kooro Devid be ŋɔ, ‘He bie maa ba ɡel o so he buɡ ta dɛ́ di kora laanee dɛ́ do n Dea tɛ mɛ’ la.

Nehemia 11:27

dɛ Hasar Sual ne Beɛseeba dɛ bwɛjeɡre aa bara ta,