Sitɔɔla 19:15 - mzwDBL

¹⁵ Belaa ba choɡ ŋɔ bá chɔ. Ba kaa so bela bwɛɛ la tena aa dɛ cheme, kɛ nomɛlbwa ta ban kpɔe kaa dɛ́ ka tɛɛ ba bɔr bá chɔ.

Sitɔɔla 19:15 Referans Kwoze

Sitɔɔla 19:18

Anee o ŋɔ, “Ya le Bɛtlɛham waa lɔ Juda harɛ ta dɛɛ kaa Efrem deŋɡarere harɛ bojaŋ, belaa n so. N dɛ kaa n bwɛ, kɛ nomɛlbwa ta yaa kpɔe kaa o dem yá ka chɔ.

Hibru 13:2

He bɛ soh kɛŋɔ a chɛ kɛ hɛɛ lɛ hɔɔhra dɛɛ nyiŋ ba kɛrɛdɛ. Bane ɛ ɡɛ dɛ nyiŋi nyundua toroma, dɛ baa jemɛ.

Matiu 25:43

Maa ɛ hɔɔh la, he ta men lawɛ kaa dem, maa valɛ mumɡbal ɡe la, he ta men yal tɛɛ ń tɔ. N bwara wee mɛ, ba do mɛ dea ɡe, kɛ he ta balɛ dɛ ba na mɛ.’

Matiu 25:35

dɛkalkɛŋɔ lɔr aa dɛ kpo mɛ la, he tɛ mɛ kondikwaa n di, nyɔɡre aa dɛ kpo mɛ la, he tɛ mɛ nee n nyɔ. Maa ɛ hɔɔh la, he kpɔ mɛ kaa he deremi,

Sitɔɔla 19:14

Ba kaalɔ ka bɛne Gebea waa lɔ Bɛnjamen dea harɛ ta, dɛ wee le harɛ.

Sitɔɔla 19:16

Awola jɔmɔra la, dɛ banjena bɛl le koo dɛɛ ba. Dɛ o le Efrem deŋɡarere harɛ dɛ ba so Gebea bela, Bɛnjamen dea tena bwɛɛ.

Sitɔɔla 20:4

Anee Lewi dea te baa kpo o sɛno la ŋɔ, “N ne n sɛnoo ba Gebea Bɛnjamen dea harɛ ta dɛ ba chɔ.