Sitɔɔla 17:2 - mzwDBL

² Awola bɛl, o iro dɛ ŋɔ o nya be ŋɔ, “N noɔ kɛ haa dɛ taah naate waa kpɔ he suuɡapoŋa kaɡboŋ dɛ lafa. Menee kpɔa, a lɔ n be.” Asɛ o berɛ kpɔ suuɡapoŋa la tɛ o nya, anee o nya ŋɔ, “N bie, Korowiirii dɛ sweere andɛɛɡa.”

Sitɔɔla 17:2 Referans Kwoze

Nehemia 13:25

Asɛ n baah di ba nɛ, dɛ taah ba. N lɔɔ ba, dɛ chuɡri ba bini bane ɡe nyumpona, dɛ ɡel ba ŋwɛɛ ntam Korowii sɔn ta kɛŋɔ, ba ne ba bibaala ne bihaahna bɛ nɛŋhɔɔhra baa wola Korowii tomɛ mo, kɛɛ dɛ yalɛ kpa bwa.

Rut Tɔn 3:10

Asɛ Boas ŋɔ, “Korowii tɛɛ hɛɛra. He baɡle he nyina ɡwaa ɡɛ haa ɛa tɛ he helahaah la kwara. Bonɔɔna nɛɛ chɛ kɛ he fe ɛɛ pɛlɛ, hale ba dɔ suuɡa kɛɛ ba nyao. Kɛ he ta an ɡɛ ɛɛ.

2 Jɔn 1:11

Nomɛlbwa waa lɛ ɡɛ te la sie la, o ɡe ɡba ja naate wechɔɡa la ta.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

Matiu 26:74

Asɛ Pita ŋɔ, “N ŋwɛɛ Korowii kɛ dɛ n jemɛ baa nɔ bobɛlbwa naa, ó bɛ men ɡel!” Buɡ la ta, dɛ jabal sio,

Jeremia 48:10

Kórowii taah nomɛlbwa waa wola o toma ɛ bambile bwa ne la! Nomɛlbwa waa kwaa o tokobi cheɡ ŋɔ waa kpɔ kpo nɛn la, Kórowii taahno!

Sɛɡla 28:24

Haa ŋwɛ he nya kɛɛ he mɛɛ komɛl, dɛ ŋɔ he ta ŋwɛɛ ɛɛ la, dɛ henee ŋwɛɛ tenten.

Yela 10:3

Nyubinikpeɡ tena dɛ maŋkura ba te ba pɛlchɔɡa ta, nɛra baa dɛ nyin kafo dɛ bol Korowii bwara wechɔɡa dɛɛ vɛoh.

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.

1 Samoɛl 23:21

Kooro Sɔɔl chaŋ ba ŋɔ, “Kórowii swee heyaa andɛɛɡa kɛ haa dɛ dawɛ n waa nɔ.

1 Samoɛl 15:13

Samoɛl aa tel o be la, Kooro Sɔɔl ŋɔ, “Korowii swee andɛɛɡa tɛɛ! N ɛ waa Korowii aa do mɛ ŋɔ ń ɛ la.”

1 Samoɛl 14:28

Belaa laa tena la bɛl ŋɔ o be ŋɔ, “He mɛɛ ŋwɛɛrɔ dawɛ ya nɛɛ kɛŋɔ bɛlbwa di kwaa fini naa, nyotaahna lawɔ. A waa lɔr ɛɛ kpo yaa ya bwa ɡwɛɡre la.”

1 Samoɛl 14:24

Lɔr kpo Israel tena ba ɡwɛɡre awola, dɛkalkɛ dɛ Kooro Sɔɔl ŋwɛɛrɔ kɛŋɔ ba bini bɛlbwa waa di kondikwaa mɔɔ wee le la, nyotaahna lawɛ naate mɔɔ ó tɔ o dɔma wel. Anomanta, o laa tena la bɛlbwa ta kondikwaa dii.

Sitɔɔla 5:23

Korowii nyundua torome bolɔ ŋɔ, ‘Taah Mɛrɔs bwɛ, dɛ́ taah nɛra baa lɔ bwɛɛ la ta kohona. Ba ta Korowii ba chae. Ba ta leɛ dɛ ba yo Korowii dɔma ba bwara aa kpeɡa.’

Mmarare 27:16

Ásɛ ba berɛ ŋɔ, ‘Nomɛlbwa waa wola o nya ne o mɛɛ duu la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Kaala 20:7

He bɛ men maa ɛ Korowii haa dɛ tom mɛ la dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.

Mumpar 14:19

dɛ soŋe andɛɛɡa tɛo ŋɔ, “Nemenɛ Korowii waa dɔ komɛlbwa kpeɡri dɛ ta nyundua ne harɛ la kwaa he kwaa tɛɛ.

Sitɔɔla 17:1

Baa bɛlee fa lole baa yerɔ Maeka. O le Efrem dea dɛ so Efrem deŋɡarere harɛ ta.

Sitɔɔla 17:3

Waa kpɔa tɛ o nya la, o nya ŋɔ, “N kpɔɔ do Korowii nɔn ta, ásɛ n bie Maeka kpɔ ɛ voɡ dɛ́ kpɔ suuɡapoŋa la maɡre o ta. Anomanta, n bie, n kpɔɔ tɛɛ.”